Matadalan ne’e ho nia objetivu oinsa grupu feto, asosiasaun feto no grupu vulnerável sira bele asesu ba iha fundu transferénsia públika ne’ebe prepara husi SEI no Matadalan ida ne’e fornese giaun kona-ba konseitu, rekézitus, prosesu atu asesu ba fundu refere no mekanizmu sira atu monitora, avalia, relata no oinsa atu asegura sustentablidade hosi FTP ne’e rasik.
Sekretariu Estadu ba Igualdade, Elvina Sousa Carvalho, apresia ba servisu makaas ekipa revisaun FTP nian ne’ebe mak konsege finaliza ona Matadalan refere.
“ Hau Husu obrigado barak ba ita boot sira nia Esforsu, husi imi nia matenek tomak ne’ebe iha ikus mai kontribui ba dokumentus ida ne’e," dehan SEI liu husi komunikandu ne’ebé online INDEPEDENTE asesu.
Governante hatutan, matadalan ne’ebé iha merese ona atu bele uza ba iha implementasaun nian. Tanba FPT ho nia objetivu atu oinsa bele hakbiit Feto, Grupu Vulneravel sira seluk hodi fó benefisíu oi-oin ba feto no grupu vulnerável sira seluk nia vida ekonómia.
"halo prevensaun ba violénsia hasoru feto no labarik feto, fó apoiu ba vítima no sobrevivente violénsia bazeia jéneru, promove partisipasaun feto iha vida polítika no pozisaun foti desizaun, tanba fundu ne’e Implementa iha tinan 2008 no kontinua ho mandatu Governu Konstitusional Da-Siak nian," katak Governante ne'e.
Entertantu, tuir dadus ne’ebé iha hatudu katak husi tinan 2019-2023 SEI apoiu ona grupu hamutuk 434 no benefisiáriu sira hamutuk 2743 kompostu hosi feto 2190 no mane 452 ho total orsamentu $776.486.00.
Númeru grupu no montante orsamentu refere fahe ba aplikasaun mekanismu sira hanesan apoiu ho mekanizmu rotativu hamutuk grupu 344 ho montante orsamentu $636.146.00, apoiu ba grupu feto sira la’os mekanizmu rotativu hamutuk 65 ho montante orsamentu $103.913.00 no Apoiu ba grupu feto vulnerável hamutuk 25 ho montante orsamentu $36.427.00.
Tipu atividade ekonómia ne’ebé mak implementa hosi grupu sira mak hanesan órtikultura, agrikultura, peskas, hakiak ikan rai maran, hakiak Animal hanesan Manu, Karau, Fahi, Bibi, Pakotementu no prosesamentu ai-han, artezenato, Homan, Soru no Kioske hodi hetan rendimentu.
Aliende ne’e apoiu mós atividade sira seluk hodi promove igualdade jéneru no empderamentu feto. SEI nia intervensaun ne’e hakarak foku liu ba grupu alvu sira ne’ebé moris duni iha área rural ne’ebé susar asesu ba apoiu hosi ajénsia finanseiru nian.
