Sekretária Estadu ba Igualdade, Elvina Sousa Carvalho hatete, asina akordu ho sosiedade sivil no organizasaun sira ne’ebé durante nee sai parseiru prinsipál ba SEI iha servisu promosaun igualidade nomós iha monitorizasaun ba iha Violensia Bazeia ba Jéneru (VBJ) no Asosiasaun munisipál feto potensiál no empoderamnetu ekonomia feto munisipál sira.
"Asosiasaun Munispiu sira ita fó iha akorsu nee atu atribui osan balun atu bele prepara ba kongresu asosiasaun fetonsira ne'ebé sei halo iha tinan ida ne'e, dehan Sekretaria Estadu ba jornalista sira iha edifisiu SEI Kaikoli, Sesta (12/07).
Governante ne'e hatutan, apoiu ne'ebé fó ba ONG ka Sosiedade Sivil atu halo sira nia servisu regular hanesan promosaun igualidade inkluzaun no prevensaun Violensia Bazeia Jéneru (VBJ) no aktividade prinsipal sira seluk liliu asesu ba justisa.
Iha fatin hanesan, Prezidente Asosiasaun feto Munisipiu Vikeke, Rosalia Guterres hatete, orsamentu ne'ebe sira hetan husi SEI sira sei uza hodi halo kongresu feto Munisipal.
"Ohin asina ona akordu tna ne'e iha fulan Jullu ka Agustu sei ita nia kogresu iha munisipiu sira hotu," dehan Prezidente.
Nia dehan, orsamentu ne'ebé Asosiasaun feto Munisipiu Vikeke ho montante rihun lima.
Enkuantu, orsamnetu ne'ebé SEI apoiu ba ONG no Asosiasaun sira ho montante hamutuk rihun $134, no ba kada Asosiasaun no ONG montante sei la hanesan.