Diretór Jerál Sekretaria Estadu ba Igualdade Armando da Costa liu husi nia diskursu hatete, prozioneriu sira ha prizaun tuir ona formasaun husi setór oioin, no sekretariu estadu ba iguldade nia parte oinsa atu forma ema nia hanoin, atetude sira ne’ebé provoka violensia iha ema nia moris.
“SEI ami hala’o ami nia parte ida liliu oinsa bele transforma ema nia hanoin transforma ema nia atetude iha kontestu ida ne’e relasiona o atetude sno hanoin sira ne’ebé bele provoka no kontribui bai ha violensia iha ita nia moris,” dehan Diretór Jeral iha Kapela Santo António Prizaun Bekora, segunda (15/07).
Nia dehan, prizaun la’os permanente ba prizioneiru sira maibé fatin ne’e sai hanesan fatin trasizaun ida ba prizioneiru hodi halo reflesaun.
Diretor Nasional Servisu Prizional no Reinsersaun Sosial, Delfio Soares Alves hatete, prizaun iha biblia rasik ne’ebé rejime instituisaun penal ne’ebé ko’alia kona-bá prizioneiru sira nia direitu, dever no lala’ok aktividade operasional balun ne’ebé bele garante tratamentu digno ba sira.
“Ita nafatin trata sira ho dignu, ita nia prizaun rasik iha biblia rasik rejime instituisaun penal numeru 14/2024 ne’ebé ita koalia liu sira nia direitu sira nia dever no mosh o lala’ok ka aktividade operasional atu nune’e ita bele garante katak atendementu dika ba sira,” dehan Delfio.
Nia dehan, iha prizaun Bekora, durante ne’e, prizioneiru sira tuir mos formasaun sira ne’ebé atu rehabilita fali sira hanesan formasaun portugués, Inglés, soldadura, karpinteiru, alfaiate, tais, treinamentu no mos desportu.
Diretór Nasionál Prizaun Bekora, Julio Dias Ximenes hateten, estabelesimentu Prizaun Bekora presiza duni formasaun sira, tanba barak mak la iha oportunidade atu tuir formasaun ne’e, nune’e ba sira ne’ebé hetan formasaun sira ba fatin bele transmite fali ba sira seluk.
“Estabelesimentu Prizaun Bekora presiza duni forsaun sira hanesan ne’e tanba barak mak la iha oportunidade atu tuir formasaun sira hanesan ne’e, enatu ida ne’e oportunidade di’ak ba sira ne’ebé tur hela, sira ne’e foti husi kada bloku entaun matenek ne’ebé sira hetan, fila-fali ba sira nia bloku bele fahe fali kolega sira seluk,” dehan Diretór.
Enkuantu, prizioneiru sira ne’ebé dadaun ne’e hela iha prizaun bekora hamutuk 421, ne’ebé kompostu husi prizaun kondenadu iha 355, prizaun preventiva 66.