Nia dehan, bainhira sidadaun sira hamutuk mak sei mak sei asegura ba Papa Francisco nia vizita mai Timor-Leste.
“hosi garante vizita Papa nian husu ba sarani sira hotu, atu labele fó fiar de’it bai ha autoridade seguransa ou forsa tarefa konjunta” dehan Komandante operasionál ba jornalista sira iha iha Sekretariadu Gabinete Apoiu Tékniku (S-GAT) Motael, Kuarta (04/09).
Amu Papa vizita mai Timor-Leste ne’e, nia dehan, la’os tan ema seluk maibé tanba sarani Timór.
“La’os de’it forsa tarefa konjunta, PNTL, FDTL, maibé ita sei envolve mós eskuteiru ne’ebé durante haknaar-aan iha igreja THS-THM, soldadu Kristu, Konsellu Polisiamentu Komunitáriu,” nia afirma.
Nia hatutan, seguransa komplementár hirak ne’e mak sei ajuda forsa tarefa konjuntaatu tau atensaun ba rute no fatin sira ne’ebé Amu Papa sei vizita.
Aliende ne’e, PNTL mós bandu atu sidadaun sira ne’ebé atu partisipa misa labele ho kondisaun lanu, nomós labele lori sasan kro’at hodi tama ba área tasi tolu.
“labele lori objetu sira potensia ba asaun krime ninian lamina, tudik, buat meik sira, nune’e, sarani sira ne’ebé atu mai tenke halo pasa revista” nia hameno.
Tuir pontu hirak ne’ebé Amu Papa Francisco sei vizita, parte forsa tarefa konjunta sei koloka nia kadetes sira hodi asegura másimu.