Atuál Padre Parókia Igreja Motaél ne’e dehan, peregriño sira ne’e tama liuhosi portaun C númeru 1 ne’ebé komisaun sira prepara ona ba públiku.
“Ne’e duni peregriñus sira ne’ebé la rejistu, hela iha teritótiu o fatin sira seluk, ne’ebé mai iha Dili atu atu ba misa, sira-nia oras mak husituku 7:00 dader to’o tuku 1: 40 loraik,” dehan Vise-koordenadór ba jornalista sira liuhosi konferensia Imprensa iha Sekretariadu Gabinete Apoiu Tékniku (S-GAT) Motael, Kuarta (04/09).
Iha área misa nian iha Tasi-tolu komisaun organizadora prepara portaun entrada no saída hamutuk 3 ho nia odamatan hamutuk walu (8) iha kada portaun sira.
Nia hatutan ba sarani ka peregriñu non rejista sira, organiza nia aan atu hakat ba Tasi-tolu, tanba liuhosi oras ne’e, portaun boot iha Rotunda Nicolau Lobatu taka ona.
Nia hatutan, peregriñu sira hosi Indonézia no Austrália sira hahú tama iha tuku 13:00 to’o tuku 13:40 liuhosi portaun B númeru 5.
“Sira ne’e iha minute haat nulu (40) nia laran de’it atu asesu tanba sira hela besik iha área Tasi-tolu iha área misa nian” nia hatutan.
Entrada ba área misa nian iha Tasi-tolu, no setores sira sei liuhosi portaun tolu mak A B no C ne’ebé komisaun indika ona.
Aliende ne’e, sei iha mós ekipa ida organizadora iha komisaun mak organiza sarani sira-nia tama ba setores iha Tasi-tolu tuir kada munisípiu sira be’ebé rejistu ona iha kada párokia tuir ida-idak nia munisípiu.
Primeiru, Munisípiu Dili sei tama iha oras 7:30 to’o 13:40 sira oras barak tanba sarani sira maioria, no sira sei liuhsi portaun A odamatan númeru 1 to’o 7. Munisípiu Baukau sira sei tama ba área misa nian iha oras 7:30 to’o 9:00, no sei liuhosi portaun B odamatan númeru 1-7.
Segundu, Munisípiu Vikeke sei tama iha oras 9:00 to’o 10:00 no sira sei liuhosi portaun B odamatan númeru 8. Munisípiu Bobonaro sei tama iha área misa nian iha oras 9:00 to’o 10:00 liuhosi portaun B odamatan númeru 1 to’o 7.
Terseiru, Sarani sira hosi Munisípiu Ermera sei tama iha oras tuku 10:00-11:00 no sei liuhosi portaun B odamatan númeru 1-7. Munisípiu Manatuto sei liuhosi tama iha oras hanesan no liuhusi portaun A odamatan númeru 8.
Kuartu, Munisípiu Likisá, sei tama iha oras 11:00 to’o 12:00 no liuhosi portaun B númeru 1-7, Munisípiu Lautén tama iha oras hanesan no liuhosi portaun B odamatan númeru 8.
Kintu, sarani sira hosi Munisípiu Ainaro hahú tama iha oras tuku 12:00 to’o 13:00 liuhosi portaun A odamatan númeru 7 no 8, nune’e RAEOA sei tama ho oras hanesan, maibé liuhosi portaun B odamatan 1-7.
Sestu, sarani sira hosi Munisípiu Aileu sei tama iha área misa nian iha Tasi-tolu hahu ho oras 13:00-13:40 no liuhosi portaun A odamatan númeru 7, nune’e sarani sira hosi Covalima sei tama iha oras hanesan maibé sira liuhosi portaun B odamatan 1-4.
Ikus, Postu Administrativu Atauro, hahú tama iha fatin misa área Tasi-tolu iha oras 13:00-13:40 liuhosi Portaun B odamatan númeru 6 no 7, nune’e Munisípiu Manufahi sei tama liuhosi Portaun A odamatan númeru 8.
“Kada portaun no odamatanm sei iha voluntáriu SCANER ho membru PNTL, FDTL no orientadór ne’ebé sei hatudu dalan ba sarani sira atu tama iha área misa, voluntáriu sira akompaña sarani sira to’o iha setores sira,” nia esplika.
Sarani sira ne’ebé partisipa misa iha Tasi-tolu sei lori ninia nesesidade hanesan, bukae natón hanesan hahán merenda, bee, banku ki’ikoan hodi tur, Xapeo, Sumbriña, Masker, no ai-moruk nesesidade ba sarani sira ne’ebé kondisaun moras.
Nune’e ekipa komisaun organizadora bandu sarani sira lori mak hanesa, tua, kuidadu sigaru, tudik lámina no seluk tan ne’ebé perigu ba aan rasik no ba ema seluk.
Espesiál ba sarani sira hosi Munisípiu Díli, keta haluha lori kartaun Code Registu.