Nia dehan, sarani sira ne’e, maihosi munisípiu inklui peregriñu sira hosi nasaun vizñinu hanesan Indonézia no Austrália.
“to’o horseik loraik ne’e, sira ne’ebé rejistu ne’e, kuaze rihun atus ida hitus ona” dehan Vise-koordenadór ba jornalista sira liuhosi konferensia Imprensa iha Sekretariadu Gabinete Apoiu Tékniku (S-GAT) Motael, Kuarta (04/09).
Antes ne’e, Sekretariu Estadu Komunikasaun Sosial (SEKOMS), Expedito Dias Ximenes Hatete, Primeiru-Ministru Kay-Rala Xanana Gusmão, halo ona enkontru ho Prezidente Autoridade Munisipiu (PAM) sira hotu atu hatene preparasaun autoridade sira nia kona-bá sarani sira ne’ebé atu partisipa misa iha Tasi-tolu.
“Ohin Primeiru-Ministru Kay Rala Xanana Gusmão, halo enkontru ho Prezidente Autoridade munisípiu sira hotu, husi munispiu 12 ho Autoridade Ataúro nomós ho REAOA, enkontru husi Primeiru-Ministru ho Prezidente Autoriedade sira atu hatene besik liu tan to'o iha ne'ebé ona prepara sira nia sarani husi munispiu hotu-hotu atu mai liu iha misa Tasi-tolu iha loron 10 fulan ne'e," dehan Expedito.
Nia hatutan, tuir dadus ne’ebé PAM sira hato'o ba primeiru ministru kona-ba sarani sira ne’ebé atu tuir misa hamutuk rihun atus ida neen nulu resin haat, atus hitu, hitu nulu resin hitu (164,777) ne’ebé mai hosi munisipiu sira iha teritoriu Timor-Leste la inkliu NTT Indonézia.
Nia dehan, tuir informasaun ne’ebé Prezidente Autoridade hato'o ba iha primeiru-ministru relasiona ho transporte ne’ebé atu lori peregriñu sira mai kapital Dili, dadaun ne’e preparadu ona, no iha balun mak seida’uk, nune’e presiza halo kompleta tan.
"Ohin mos ida-idak aprezenta katak ida prontu ona ho ida-idak nia preparativus no transporte sira prepara ona no balun hato'o katak menus transporte entau Primeiru-Ministru fó kedas orientasaun ba iha komisaun organizadora para atu bele prepara kareta balun ne'ebé sei falta," katak governante ne'e.
Enkuantu, tuir dadus sarani sira ne'ebé rejistu ona iha kada munisipiu hanesan Munisípiu Aileu 7,500, Ainaro 9302, Baukau 13,702, Bobonaro 7,805, Covalima 4,356, Dili 67,994, Ermera 14,330, Lautem 5,503, Likisa 12,400, Manufahi 3,850, Manatuto 7,851, Vikeke, 6.530, RAEOA 2,344 no Atauro 1,300.