Sekretariu Estadu Formasaun Profisionál no Empregu, Regério Aroújo Mendoça husu ba Traballadór sira servisu iha Korea no Austrália atu haruka osan mai familia, no rai osan hodi fila mai Timor-Leste loke negosiu ruma hodi emprega fali Timoroan sira seluk ne'ebé la hetan oportunidade.
"Husu ba alin sira, imi ba servisu ho diak, haruka osan ne'ebé mak imi hetan mai familia,balun imi tau, to'o loron ida imi fila mai Timor-Leste imi bele loke fali negosiu kiik ruma, bele emprega fali maluk balun ne'ebé mak la hetan oportunidade ne'ebé iha hela suku no aldeia." Dehan Sekretáriu Estadu iha Salaun SEFOPE Kaikoli, Tersa (19/03).
Sekretáriu Estadu, mós husu ba Traballadór sira ne'ebé inklina an iha Arte Marsiais no arte rituais, atu rai hela atributu sira ne'e ho familia, depois fila mai Timor-Leste mak uza fila fali no traballadór sira tenki hadok an husi hemu alcohol, tanba Traballadór barak mak hetan dezastre iha Austrália kauza husi lanu.
Enkuantu, traballadór timoroan nain 43 ne'e kompostu husi traballadór tuan hamutuk na'in 31 no traballadór foun hamutuk 13.
