CVTL Fasilita Formasaun Primeiru Sokorru ba Jornalista Sira Featured

By Ivonia Varela Marsu 19, 2024 188
Cruz Vermelha Timor Leste (CVTL), koopera hamutuk ho Federasaun Internasionál Cruc Vermelha Cresente (IFRC-sigla Inglés) fó formasaun ba Jornalista sira husi média nasionál kona-ba primeiru sokorru, Iha Salaun CVTL, Bairu Formoza, Dili, (19/03/24). Foto:INDEPENDENTE/Ivonia. Cruz Vermelha Timor Leste (CVTL), koopera hamutuk ho Federasaun Internasionál Cruc Vermelha Cresente (IFRC-sigla Inglés) fó formasaun ba Jornalista sira husi média nasionál kona-ba primeiru sokorru, Iha Salaun CVTL, Bairu Formoza, Dili, (19/03/24). Foto:INDEPENDENTE/Ivonia.

DILI: Cruz Vermelha Timor Leste (CVTL), koopera hamutuk ho Cruz Vermelha Internasionál Kresente (ICRC-sigla Inglés) fó formasaun ba Jornalista sira husi média nasionál kona-ba primeiru sokorru.

Sekretariu Jerál CVTL, Luis Pedro Pinto hatete, Cruz Vermelha Timor-Leste (CVTL), liuhusi formasaun atu aumenta jornalista iha nasionál sira-nia koñesimentu kona-ba primeiru sokorru.
“Tanba, iha situasaun konflitu iha situasaun dezastre naturais no situasaun normál hanesan asidente sira, média nia papél ne'e importante teb-tebes tanba jornalista sira-nia papél importante tebes tanba sira tenki tun ba terenu tenki tun ba iha fatin asidente,” dehan Sekretariu Jerál iha Edifisiu CVTL Formosa, Tersa (19/03).
Nia afirma, tanba ne’e jornalista sira mós tenki iha koñesimentu hodi bele ajuda ema seluk no ajuda ba sira-nia aan rasik no mezmu tempu média mós sai fatór importante no sai parseiru diak ho CVTL.
“Tan ida ne'e mak ha’u hanoin koperasaun ida tenki kontinua atu hala’o hodi sira husi jornalista hotu iha koñesimentu ne'ebé natón ba iha primeiru sokurru ba ajuda sira-nia aan rasik nune'e mós ba ajuda sira nia instituisaun no mós ba iha komunidade sira ne'ebé mak sira servi ba,” dehan Luis Pedro.
Iha biban ne’e, Sekretáriu Jerál mos husu ba média sira atu divulga informasaun ne’e ba komunidade hotu hodi sira iha koñesimentu para sira bele hetan oportunidade no formasaun.
Maibé nia dehan, husi hirak ne’e depende ba ida-idak nia vontade, no CVTL hakarak fó formasaun ba ema hotu-hotu atu nune’e família ida iha koñesimentu iha primeiru sokorru ajuda sira-nia familia rasik.
Iha fatin hanesan, reprezentante Konsellu Impresa (KI), Isabel Fernades de Jesus hatete, kapasitasaun ba rekursu umanu ne’e importante kapasitasaun ba rekursu umano ne'e importante tan ne’e KI agradese ba CVTL ne’ebé fasilita ona formasaun ba jornalista sira.
"tanba ne'e representa KI agradese tebes ba CVTL ne'ebé iha kona kooperasaun di’ak hodi hanoin atu halo kapasitasaun ba belun jornalista sira husi média oin-oin," nia esplika.
Enkuantu, matéria ba formasaun refere mak oinsá atu atende vítima iha primeru sokorru, bainhira hasoru ema ruma hetan asidente.

Rate this item
(0 votes)
Last modified on Kinta, 21 Marsu 2024 09:06

Independente Digital TV