Matebian Fransisco hanesan traballador ne'ebé hala'o servisu iha Korea Sul provinsial Gochang iha área peskas durante fulan hitu (7) hafoin hetan asidenti iha loron 17 fulan-Setembro 2023 to'o matebian hakotu vida.
Reprezentante SEFOPE, Xefe Gabinete Jacinto Ribeiro Dias hato'o sentidu kondelensia ba familia enlutada husi matebian Fransisco da Costa Goncalves.
Nia dehan, esforsu hotu-hotu entre estadu ho familia iha intensaun ida de'it katak sira atu sai heroi ida hodi transforma nasaun husi ekonomia ne'ebé di'ak hodi garante ho esperansa maibé katak Fransisco mos sai ona hero ida ba nasaun ne'e.
"Maibé ohin ita simu realidade ida ne'ebé tristeza ba nasaun ba fámilia atu fiar katak ohin ita simu Fransisco ho kaisaun ne'ebé mak iha,ita hatene katak buat ne'ebé moris tenki termina ho mate viajem ne'ebé mal iha tenki termina ho noa finalidade," dehan Xefe iha Aeroportu Nikolao Lobato Komoro, Domingo (08/10).
Xefe afirma, servisu tomak ne'ebé estadu iha kolaborasaun ho familia no mos liu husi Komunikasaun hotu ohin SEFOPE entre ona ba fámilia.
Iha fatin hanesan, Familia Matebian Abel do Santos Tatoli katak hanesan familia nafatin simu saida mak akontese tantu moris no mate.
Hanesan familia nafatin agradese tanba Estadu atende matebian sei moris até to'o mate nafatin akompañia to'o familia simu fali nia isin mate ina loron ohin.
"Iha fulan hitu (7) ba kotuk ita hamriik iha fatin ida ne'e ho mata ben no iha fulan hitu (7) ida ohin ita hamriik iha ne'e nafatin ho mataben despedida ida ne'ebé ita labele hasoru malu tan, Primeiru ami familia kontenti tanba ita ona ema ida bele halo kbiit no moris familia ida ne'e maibé ami nia mehi no hanoin la sai realidade," tenik familia matebian.
Biografia Matebian Nian
Matebian Francisco da Costa Gonçalves, Moris iha Municipiu Likisa, Postu Administrativo Maubara, iha loron 14 fulan Marcu 1989, Oan husi aman Tomas Melo no Inan Helena Goncalves.
Matebian oan ne’ebé mesak (anak tunggal), matebian remata nia Eskola Sekundaria iha eskola Publica 04 de Setembro, iha Tinan 2010.
Matebian Francisco da Costa Gonçalves, hahú kursus lian Korea ba programa EPS iha Tinan 2022. Matebian passa husi Ezame PBT (Paper Basic hodi registu ba sistema SPA iha tinan 2022.
Matebian hetan kontratu husi Kompania Harry yangmanjang iha tinan 2023, hodi servisu iha Nasaun Korea du Sul iha area Pescas, matebian foin servisu halo fulan (7), hodi hetan acidente.
Iha loron 17 fulan setembro simu telefone husi embaixadór Timor-Leste ne'ebé iha Korea do Sul, por volta oras 09:35 otl, katak matetebian Francisco da Costa Goncalves, hetan acidente iha provincial Gochang hodi hotu i'is iha fatin ne'ebe matebian hetan acindente ba.
