Sekretáriu Estadu Komunikasaun Sosial Expedito Dias Ximenes hatete, akordu ne'e SEKomS halo hanesan forma ida atu oinsa fortifika média nasionál sira, tanba ho avansu dijital papél média importante tebes iha prosesu kontrusaun nasaun.
Sekretáriu dehan, SEKomS halo akordu ho media plataforma online sira hodi servisu hamutuk ho media sira hotu-hotu lasignifika governu atu intervene ba produtu Jornalizmu ne'e média sira halo.
“Tanba média ida-idak iha sira nia polítika editorial rasik no konserteza média hotu-hotu, tan ne'e SEKomS fó ona mensajem atu halo balansu liberdade imprensa neebe iha ho responsabilidade ba iha nasaun ho povu,” dehan Sekretariu iha Palasiu Governu, Kinta (05/10).
Governate afirma, produtu Jornalizmu sira ne'e iha média imprensa audio visual no plataforma online sira tenki respeita produtu ne'ebé sira produs, tan ne'e la'os hare deit ba atualidade maibe tenki hare mos kualiadade informasaun ne'ebé fó sai.
“Tanba ita hotu hatene ho avansu teknolojia la'os de'it ona ho jornalista ho meius komunikasaun sosial mak sai informador ba informasaun maibe ho avansu ida agora dadauk ema hotu-hotu ne'ebé iha telemovél android sai mos produtor ba informasaun,” dehan Governante.
Expeditu akresenta, ba media sira ne'ebé rejistu iha Konsellu Imprensa (KI) tenki fo sai informasaun bazeia ba faktus, tenki balansu respeita ba kódigu étika. Tanba papel importante husi média, meius komunikasaun sosial sira produtu nee forma opiniaun públiku nian, tan públiku dadun nee kestiona hela ba kualidade informasaun.
Iha fatin hanesan, Diretora Midia TV one Timor, Suzana Cardoso apresia ba akordu nee tanba hanesan pasu ida nee primeiru tan ne'e espera katak ba oin kontinua nafatin hodi bele sustenta media oinline sira nia sustentabilidade.
Tanba durante nee publikasaun ne'ebé governu fornese nunka fo media online sira, fó de'it ba emprime no televizaun RTTL, EP ho Tatoli, IP.
“Maske ida ne’e ligasaun ho parte negósiu ninian, maibé ida ne’e hanesan parte ka pasu ida ne'ebé importante hodi fo hanoin ba governu katak duké sira monta baner sira iha estrada hodi la dun fo benifisiu ba Timoroan sira ne'ebé mak envolve an iha mundu jornalizmu nia, tanba kompañia media sira ne’ebé loke bele fó fali servisu ba timoroan sira,” dehan Diretora.
