Sekretária Estadu Formasaun Profisionál no Empregu(SEFOPE), Rogério Araújo Mendonça, apresia ba Governu Australia liu-husi Embaixada iha Timor-Leste , Department of Foreing Affairs and Trade (DFAT) ho Pacific Labour Facility (PLF) .
"Ami ho Governu liu Embaixada Australia iha Timor-Leste servisu maka'as tebes hodi halo selesaun dokumentus husi vaga online husi Pacific Australia Mobitlity (PALM) nia no kandidatu Timor oan , no ohin bele halo abertura teste interviu lian ingles etapa da-uluk ba kandidatu Timor oan hamutuk 2000," Dehan Nia ba Jornalista sira iha salaun Leli Kampung Alor, Segunda (20/11).
SEFOPE apresia ba kandidatu na’in 2000 ne’ebé hetán ona oportunidade hodi tuir teste interviu ba etapa da-uluk, tanbá prosesu selesaun dokumentu Governu Australia liu husi Pacific Labour Facility (PLF).
Husu ba kandidatu Timor oan sira atu aproveita hó didi’ak, uza imi nia matenek ne’ebé durante imi aprende iha sentru formasaun rai laran no mó rai-liur hodi responde iha prosesu teste interviu ida ne’e.
Teste interviu lian ingles etapa segundu ba ema na’in 2000 ne’ebé kompostu husi mane ema na’in 1358 no feto ema na’in 642, fó diretá husi ekipa iha sentru formasaun LELI durante loron sanulu.
Sekretária Estadu Formasaun Profisionál no Empregu liu-husi Diresaun Nasionál Empregu Estranjeiru fasilita de’it, no lainvolve iha prosesu interviu, atu nune’e ita bele garantia transparansia no akontabilidade.
SEFOPE enkoraja ba kandidatu na’in 2000 ne’e esforsu maka'as hodi bele pasa iha teste ne’e, nune’e mós karik iha teste ne’e la-pasa sisgnifika katak ita nia preparasaun seidauk maximu.
Tanbá ne’e, husu atu buka nafatin ba aprende lian ingles iha sentru formasaun sira ne’ebé hetán ona akreditasaun husi Institutu Nasionál Dezenvolvimentu Maun-de-obra (INDMO) iha teritoriu Timor-Laran tomak.
