Kompañia Tsuneishi Husu Governu fó Lisensa Fabrika Ró Iha Area Manatutu Featured

By Mariano Mendonca Novembru 22, 2023 839
Kompañia Tsuneishi Shipbuilding Co.Lda husi Japaun aprezenta aan bá Primeiru Ministru Kay Rala Xanana Gusmao nune'e hodi husu Governu fó lisensa bá Kompañia atu loke frabika ka estaleiru Ró nian iha área Munisípiu Manatutu. Foto: Media GPM. Kompañia Tsuneishi Shipbuilding Co.Lda husi Japaun aprezenta aan bá Primeiru Ministru Kay Rala Xanana Gusmao nune'e hodi husu Governu fó lisensa bá Kompañia atu loke frabika ka estaleiru Ró nian iha área Munisípiu Manatutu. Foto: Media GPM.

DILI: Kompañia Tsuneishi Shipbuilding Co.Lda husi Japaun aprezenta aan bá Primeiru Ministru Kay Rala Xanana Gusmao nune'e hodi husu Governu fó lisensa bá Kompañia atu loke frabika ka estaleiru Ró nian iha área Munisípiu Manatutu.

Embaxador Japaun iha Timor-Leste Tetsuia Kimura hatete, akompana kompania Tsuneishi Shipbuilding Co.Lda mai hasoru Primeiru Ministru atu husu Governu Timor-Leste hodi apoiu fo lisensa.

Reprezentante kompania ne'ebé atu harii estaleiru naran kompania Tsuneishi husi fatin ida besik Hirosima iha Japaun. Sira mai tiha ona iha fulan Agostu foin dadauk ne'e mai atu haree fatin ne'ebé merese atu halo Investimentu ba estaleiru nian.

"Ohin sira mai ho ha'u atu hasoru Primeiru Ministru atu troka opiniaun no fó hanoin hanesan Informasaun ikus update nian sobre saida mak sira hetan tiha ona iha fatin neeba, no depois sira mós husu apoiu ba Governu ba sira nia Investimentu," dehan nia hafoin akompaña Kompañia hasoru PM, iha Gabinete Fronteira Maritima Palásiu Governu, Segunda (20/11).

Nia dehan, sira sei halo estudu viabilidade kona-ba sira nia planu ida ne'e no depois sira nafatin husu Governu atu fo lisensa ba sira nia planu Investimentu ida ne'e, neste momentu ne'e mak Informasaun ne'ebé mak fornese ba média sira.

"Hanesan hatete tiha ona katak sira sei halo estudu viabilidade, mais iha futuru kompania ne'e mak sei deside kona-ba sira bele absorve trabalador Timor oan atu tama iha kompania ida ne'e hodi halo serbisu."

"Neste momentu ami seidauk bele ko'alia kona-ba bainhira mak remata estadu viabilidade ne'e mais tanba sira sei halo survei ida depois husi ida mak sei halo estudu viabilidade ida ne'e hafoin inklui survei ba rai nian husi ida ne'e mak sira bele deside," tenik nia.

Iha fatin hanesan Primeiru Ministru Kay Xanana Gusmao hatete, Embaxador mai ho Kompañia husi Japaun sira hakarak loke fatin ida atu halo Ró ne'ebé boot tebtebes oin-oin, ne'ebé sira buka hela fatin atu harii estaleiru bá. Sira haree ona fatin rua ka tolu iha sorin neeba parte Manatutu, maibé sira sei haree didi'ak fali rai ne'e bele tahan ka lae, tasi nia klaran ne'e halo nusa.

Ne'ebé ohin sira mai aprezenta aan, sira sei bá halo tan estudus bá haree didi'ak no depois maka sei ko'alia ho Governu para hanesan dehan karik fó lisensa bá sira hodi halo sira nia fabrika hodi halo Ró.

"Sira sei halo ró oin-oin ne'ebé sira sei halo, ohin mai aprezenta aan ami ko'alia, sira sei bá hasoru Ministru kona-ba Asuntu Ekonómiku. Depois Administraun Estatal sei koali ho ita nia komunidade sira iha fatin-fatin para bele husik sira ba haree," nia dehan.

Sim fatin sira sei haree ida iha Manatutu, ida iha Laleia maibé ida ne'e hanesan fó hatene de'it, sira sei bá halo hasai rai uitoan para haree, no mós sei haree tasi nia klaran ne'e halo nusa hafoin mak sira sei Deside.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30