Sekretáriu Estadu Florestas, Fernandinho Vieira  hatete, SEF  esforsu ona atu kontrola ai komersiu sira ne’ebé komunidade sira hatama husi nasaun Indonézia.

“Ha'u hanoin iha planu atu hari'i postu revista produtu madeira hanesan ai komersial no ai-fuan sira iha territoriu laran tomak, tanba ne'e Timor-Leste haleu kuaze  iha Estrada,” Dehan Sekretáriu Estadu Florestas, Fernandinho ba jornalista INDEPENDENTE,  iha knaar fatin Kaikoli, Tersa (06/02).

Nia  dehan, iha fatin-fatin lubuk ida atu hari'i postu revista ho objetivu atu pasta revista ema deskonesidu sira, atu transpotasaun ai komersial  husi loron no kalan iha fronteira.

Tan ne’e SEF hari'i postu sira, atu  korpu guarda floresta sira  hodi hare'e produtu floresta sira iha rai-laran ne’ebé atu utrapasa iha área fronteira sira.

“Ita lakohi produtu floresta sira labele  hasai ilegal, sei laiha kontrola ne'ebé halai ba iha área fronteira, depois mosu fali tranzasaun ilegal iha fronteira, atu utrapasa ai-komersial ba nasaun seluk,” Nia relata.

Nia haktuir, Sekretariu Estadu no Floresta hakarak rekursu floresta ne'ebé iha hodi bele jere iha rai-laran no lakohi ema deskonesidu lori produtu floresta halo tranzasaun iha area fronteira.

“Ita presiza matéria exprima hanesan atu atendimentu ita-nia nesesidade iha rai laran, tanba saida halo aktividade ilegal hodi fo benefisiu ba nasaun seluk,” Nia relata.

Nia subliña, Governu iha obrigasaun atu hare'e asuntu sira ne'e, hodi minimiza aktus ilegal sira-ne'ebe iha, entaun meius ida hari'i postu-postu sira iha fatin estratejia hodi bele Kontrola produtus floresta sira serkula iha territoriu laran tomak.

Maibé foin lalais hetan hand over husi fasilidade hanesan kareta rua, motorizada-tolu no ekipamentus sira seluk tan apoiu husi konservasaun internasional iha Timor-Leste. Entaun motorizada fo apoiu ba korpu guarda floresta sira-ne'ebé presiza liu hodi hala'o servisu iha terrenu kontrola ai horis ho sira seluk tan.

Nia informa, SEF seidauk temi númeru atu hari'i postu sira, maibé tinan ida-ne'e sei hari'i postu revista iha Kasnapar husi Manleuna ho orsamentu montante rihun $25.

“Espera katak tinan oin mai sei koloka orsamentu atu bele hari'i postu sira, maibé sei planu no totalidade postu sira atu hari'i ne'e depende ba orsamento ne'ebe aprova iha Parlamentu Nasionál,” Nia relata.