Sekretáriu Estadu Floresta, Fernandino Vieira da Costa hatete, objectiva mai kuda Aiparapa iha fatin ida ne'e, atu rekoopera fila fali ekosistima aiparapa iha futuru.

Nia dehan, durante ne'e Grupu Tuba Aiparapa prepara aiparapa hamutuk rihun 2.

“Ohin ita kuda ona ona ai-parapa 1.000,depois semana oin sira sei plano atu kuda tan tan,”dehan nia iha, iha Aldeia Wenunuk, Metinaro, kinta (19/10).

Nia dehan, Sekretáriu Estadu Floresta planu sei servisu hamutuk ho grupu sira iha áreadores ne’e, hodi hare ba área sira ne’ebé agora dadaun iha kosteiras mamuk, nune’e kontinua kuda aiparapa oan.

Governante ne’e dehan, iha tinan uluk, iha aiparapa oan hamutuk rihun 9 esktares, maibé agora hela deit ona rihun 4 ektarese. Ida ne’e signifika iha rihun 5 ekterese mak lakon ona.

Tanba ne’e, iha politika IX Governu Konstituisional liu husi Sekretáriu Estadu Floresta, iha komitmentu nafatin refloresta fila-fali aiparapa sira ne’ebé durante ne’e lakon ona.

SEF haktuir, aiparapa la’ós hanesan ai espesial sira seluk ne’ebé kuda iha rai maran, maibé aiparapa ne’e kuda tenki besik tasi been atu nune’e aipapara labele mate no buras hela deit. No atu proteje ai parara ho diak tenke halo lutu haleu atu nune'e animal sira la bele estraga.

Entretantu, Governante ne’e mós motiva nafatin Grupu sira ne’ebé kuda aiparapa atu sai forsa no organizadu hodi fó protesaun ba aiparapa iha futuru.