Enkuantu, traballadór hirak ne’e sei ba servisu iha área peskas na’in 43 no pabrika na’in lima.

Sekretáriu Estadu Formasaun Profesional no Empregu, Rogéiro Araújo Mendonça, husu ba traballadór sira ne’ebé atu ba servisu iha Korea Súl labele halais ses husi Sistema.

“Traballadór Timoroan ne'ebé ba servisu iha Korea Súl atu hadia ekonomia uma laran no hasa’e kresimentu ekonomia rai laran. Sé imi halai ses husi sistema no imi la kompri ida ne'e, prejudika ba Joven sira ne'ebé hakarak atu tuir bá,”dehan nia iha Salaun Timor Lodge, Komoro, (20/10).

Tanba ne’e, Governante ne’e mós husu ba traballadór sira atu Evita aan husi alcohol, hodi labele hamosu dezastre no mós labele halo familia sira lakon esperansa.

Iha fatin hanesan, Vise Embaixadór Korea Iha tl, Hong Jinun mós apela ba Timoroan sira ne'ebé ba servisu iha Korea Súl, labele sai husi sistema, tanba ne’e iha konsekuensia boot.

Entretantu, Reprezentante Traballadór Korea Súl, Julia dos Santos, senti kontente, tanba hetan oportunidade ba dala rua hodi ba servisu iha Korea Súl.

Liu husi oportunidade ne’e, nia mós garante katak, sei hatudu disiplina hodi respeita nafatin regras ne’ebé estabelese ona iha nasaun refere.