Sekretáriu Estadu Asuntu Toponímia no Organizasaun Urbana, Germano Santa Brites Dias hatete, komunidade sira ne'ebé hela iha fatin refere hetan ona kompensasaun ne'ebé mai husi governu husi Ministeriu Obras Públika (MOP).
"Ohin loron ita tenki mai hasai sira tanba fatin ida ne'e presiza tebes atu hadi’a hodi aproveita vizita Sua Santidade Papa nia hodi hadi’a fila-fali bandeira antigu ida nee ho didi’ak," dehan SEATOU ba Jornalista sira iha Tasi-tolu, Tersa (13/07).
Nia dehan, tuir loloos eviksaun ne’e la'ós tan de'it Amu Papa nia vizita maibé husi kedas tinan 2023 iha teritoriu laran tomak, tanba sira halo ona servisu eviksaun antes rona informasaun konaba ba Papa nia vizita.
"Amu papa nia vizita aproveita tempu ne'e atu hadi’a fatin bandeira riin ne'e, maibé amu papa la mai mós populasaun ka komunidade sira Tasi-tolu ne'e tenki sai husi fatin ne’e tanba fatin nee área protejida ba ema hotu-hotu," deha SEATOU.
Vítima Domingos dos Reis hatete, hanesan povu babain koopera ho governu maibé governu tenke hasai sira ho dignu.
Nia dehan, sira asina ona karta deklarasaun katak banihira sira hetan konsensaun ka osan tama ona sira-nia konta bankária mak sobu uma ka hasai sasan maibé realidade prátika oin seluk.
"Ami-nia uma ne'e imi mai sobu ne'e dehan ka agora imi mai tiba-tiba de'it fali nee, ami asina nia tiha ona katak hein imi-nia osan tama mak hasai sasán, agora ami foin asina iha sesta, ohin foin tersa sira mai sobu ona ne’e," dehan vitima.
Enkuantu, vitima hirak ne'e governu fó konpensasaun tuir modelu uma nian ne'ebé ho montante osan hahú husi rihun rua to'o rihun $17.
