KSDS diskute medida seguransa asegura vizita Papa Francisco

Setembru 21, 2024

KSDS diskute medida seguransa asegura vizita Papa Francisco ^Featured

By Cristina Ximenes Agostu 13, 2024 610

Konsellu Superiór Defeza no Seguransa liu husi ninia reuniaun ne’ebé prezide husi Prezidente Repúblika, José Ramosn Horta, diskute kona-ba medida seguransa ba vizita Amu Papa Francisco mai Timor Leste iha 09 to'o 11 Setembru 2024. Foto:Media PR.

DILI: Konsellu Superiór Defeza no Seguransa liu husi ninia reuniaun ne’ebé prezide husi Prezidente Repúblika, José Ramosn Horta, diskute kona-ba medida seguransa ba vizita Amu Papa Francisco mai Timor Leste iha 09 to'o 11 Setembru 2024.

Portavoz KSDS, João Aparicio informa, Timor-Leste tenke prepara didi’ak hodi simu vizita Amu Papa Francisco.

"Enkontru Konsellu Superiór Defeza no Seguransa espesifikamente kona-ba medida seguransa atu bele asegura Amu Papa Francisco ne'ebé sei mai vizita Timor-Leste. Ita tenke prepara didi'ak atu buat hotu-hotu la'o di'ak," dehan João ba jornalista sira hafoin reuniaun KSDS, iha Palásiu Prezidensiál Bairo-Pite, Sesta (09/08).

Medidas seguransa ne’e, atu prevene potensiá amesa sira bainhira Timor-Leste simu vizita ruma husi alta dignatárius sira husi rai li’ur, nune’e bele garante situasaun ne’ebé hakmatek.

Aleinde asuntu ne’e, iha reuniaun ne’e, Xefe Estadu, mós fó posse ba Ministru Justisa, Sérgio Hornai, nu’udar membru Konsellu Superiór Defeza no Seguransa hodi substitui nia predessesór matebian eis Ministru Justisa, Amândio de Sá Benevides.

Rate this item

(1 Vote)