SEATOU sobu Baraka 92 iha Komoro Featured

By Graça de Carvalho Abril 09, 2024 230
Sekretariu Estadu Assuntu Toponomia no Oraganizasaun Urbana kontinua halo asaun ‘hamoos’ sidade Dili. Iha 8 Abril ne’e, Sekretariu Estadu ho ekipa Jestaun Merkadu Munisipiu Dili sobu baraka 92 iha area antigu Merkadu Komoro. Foto:Google. Sekretariu Estadu Assuntu Toponomia no Oraganizasaun Urbana kontinua halo asaun ‘hamoos’ sidade Dili. Iha 8 Abril ne’e, Sekretariu Estadu ho ekipa Jestaun Merkadu Munisipiu Dili sobu baraka 92 iha area antigu Merkadu Komoro. Foto:Google.

DILI: Sekretariu Estadu Assuntu Toponomia no Oraganizasaun Urbana kontinua halo asaun ‘hamoos’ sidade Dili. Iha 8 Abril ne’e, Sekretariu Estadu ho ekipa Jestaun Merkadu Munisipiu Dili sobu baraka 92 iha area antigu Merkadu Komoro.

Sekretariu Estadu Assuntu Toponomia no Organizasaun Urbana, Germano Santa Brites hatete, molok sobu barak ne’e, parte Jestaun Merkadu fó ona avizu rutina hahú husi Setembru to’o Novembru 2023 no kontinua iha Janeiru to’o Marsu 2024.

Aleinde avizu ne’e, nia hatutan, ekipa konjunta mós fó ona hanoin bebeik maibé vendedór sira kontinua la kumpre.

"Entaun ohin (horseik) ami foti desisaun tenke sobu husi ne'e to'o kraik par depois fatin ne'e livre. Populasaun sira, komunidade hakarak atu hola karik, bele tama to'o iha laran, laiha tan vendedór sira tau nia balde, tau nia modo tahan, tau nia sumbriña hahú husi parte estrada boot to'o iha postu polisia nia oin," dehan Germano ba Jornalista hafoin sobu baraka 92 iha  antigu Merkadu Komoro.

Germano dehan, vendedor balun ne’ebé mai faan iha estrada-ibun ne’e barak faan sasan iha laran mak sai ba fa’an iha li’ur no balun husi merkadu Manleu, tan ne’e husu ba sira atu fila ba sira-nia fatin.

"Barak hela iha merkadu laran mak sai mai iha ne'e. Balun iha merkadu Manleu mak mai iha ne'e. Idetifika fatin iha ne'ebá sira lakohi ba, entaun OB Manleu ba okupa, tanba ne'e sira tenke fila ba iha ne'ebá, hakarak ka la kohi, se sira la tama iha laran problema sira nian,” dehan nia.

Iha fatin hanesan, vendedór Albino Gama sente triste tanba konsidera laiha avizu ruma ba sira molok mai hasai sira husi fatin ne’ebé sira fa’an sasan.

"Antes ne'e sira la halo avizu ba ami, ohin (horseik) dader derrepente mai sobu, estadu la kria merkadu nia kondisaun ba ami, sira mai laiha informasaun. Ne'ebé ami husu ba ema boot sira loke merkadu iha ne'ebé par ami tau ami-nia sasan iha merkadu," nia dehan.

Tan ne’e, nia dehan, sira sei tau sira-nia sasan iha ne’ebá hodi hein autoridade sira lori ba tau iha merkadu ida ne’ebé atu sira bele kontinua fa’an.

“Ami husu par tula ami-nia sasan tau iha merkadu ida ne'ebé. Agora estadu kria merkadu iha ne'ebe entaun lori ba tau iha merkadu ne’e, ami husu ida ne'e de’it,” dehan nia.

Rate this item
(0 votes)

Independente Digital TV