Sekretariu Estadu Asuntu Toponimia Organizasaun Urbana Germano Santa Brites Dias dehan, iha fulan Janeiru nia laran sei muda hotu negosiante sira ne'ebé fa’an iha jardin perumnas hodi hadi’a jardin ne’e ba ema hotu bele uza.
"Fatin ida ne'e tinan kotuk ha’u mai hare tiha ona depois ita nia maluk sira ne'ebé fa'an iha estrada Perumnas nian tenki mai tama iha ne'e, ida ne'ebá husik livre para ita bele livre halai ba mai. Se lae Sábadu ho Domingo, karosa hotu tama iha ne'ebá, tanba nee iha fulan ida ne’e ita hakas-aan para sira bele mai iha ne'e, atu nune'e jardim ne'ebá sei hadia atu ita sira ne'e bele tur no joga halimar iha ne'ebá," dehan Sekretáriu Estadu iha Antiga Merkadu Surikmas, Kuarta (22/01).
Xefe Suku Bairo Pite Joaninha Alves hatete, molok ne’e SEATOU halo ona diálogu ho negosiante sira tanba ne'e negosiante sira mós kopera atu muda sira ba fatin ne’ebé governu deside ona.
Tan ne'e bainhira mak atu mobiliza negosiante husi jardin perumnas ba merkadu antigun Ssurikmas dadaun ne’e xefe suku rasik seida’uk rona informasaun.
"Atu mobiliza komunidade ka vendedor sira iha jardin atu muda mai iha ne'e infelizmente hau seida’uk hetan informasaun maibé prosesu aprosimasaun ne'e SEATOU hakarak muda mai iha ne'e tan ne’e hein deit banhira mak atu muda mai,”dehan Xefe Suku.
Enkuatu, tuir dadus ne’ebé autoridade lokal submete ba iha autoridade munisipiu Dili negosiante ne'ebé hala'o negosiu iha fatin refere hamutuk na'in 50.
