Tuir observasaun iha terenu katak, komunidade sira iha Bidau la halo asaun protest hasoru ekipa sira, maibé sira akompaña, no fo espasu hodi mákina suru sai fo’er sira iha valeta ku’ak.
Tanba atu sidade ne’ebé moos no livre husi inundasaun iha tempu udan governu deside sobu komunidade sira-nia uma iha valeta leten.
Alende ne’e mós halo preparasaun ba vizitasaun Amu Papa mai Timor-Leste iha fulan-Agostu tinan ne’e.
Antes ne’e SEATOU mós sobu vendedór fa’an OB iha Ai-Mutin hodi husik fatin refere no tuir planu governu nian muda sira Merkadu Manleuana.
Nune’e Sekretáriu Estadu husu ba komunidade sira atu kontinua koopera ho governu atu hadia sidade Dili livre husi Inundasaun iha tempu udan.
“Hakarak ka lakoi makina tenki mai hadia alkatraun ne’e didiak bainhira diak ona ita boot sira mak sei uza, Governu prepara ba ita hotu tanba ne’e ita boot sira tenki hakas ah hotu-hotu tenki muda ba merkadu Manleuana,” dehan SEATOU iha Ai-mutin, Kuarta (21/02).
Governante afirma, Governu la hanoin aat no la fó susar ba nia povu tan ne’e povu tenki kopera di’ak ho governu atu nune’e bele jere situasaun ne’e ho di’ak, sidade la’o diak, no obralan nia fatin tenki teratur.
Salienta tan katak, governu prepara identifika ona fatin iha merkadu manleuna ba negosiante sira tan husu ba negosiante sira atu hare fatin iha merkadu refere mak sei mamuk utiliza de’it.
Enkuantu, negosiante hatete, jeni selviana via mesak sira ona informasaun katak governus sei muda sira ba iha merkadu ho nune’e sira mos kopera hodi halo tuir, ekipa husi jestau merkadoria ba sobu sira nia fatin atu muda sira ba fatin ne’ebé governu prepara ona, maibé sira ba to’o iha manleuna fatin la iha ba sira.
“informasaun ne’ebé ami rona dehan governu prepara ona fatin,ne’e mak ohin ami ba maibé fatin ida la iha ida ne’e ami mai rekere nafatin, tenki hatudu fatin ne’ebé dignu ba sira atu nune’e sira bele fa’an fali sira nia sasan hodi sustenta fali sira nia moris loron-loron,” dehan negosiante.
Xefe Aldeia Sao Miguel Hermengoldo de Aroujo hatete hanesan lideransa ida ba nia povu bele kopera, tan ne’e atu tempu saida deit mak atu hasai nia povu sira simu, maibé tenki aranja fatin ida sira.
“ha’u nia ema imi bele hasai maibé tenki iha fatin ba sira, tanba sira ne’e maioria moris ho ida ne’e, no barak mak moris hela ho kreditu se sira la fa’an saida mak sira atu uza, ne’ebé ha’u hanesan lideransa iha aldeia haul abele buka fatin ba ha’u nia ema tanba ne’e estadu nia tan ne’e estdau mak bele buka fatin ba sira,” katak Xefe Aldeia.
Akresenta tan katak, Se karik estadu seidauk kria fatin ba negosiante sira mak hanesan liderasan sei la fó ulun atu hasain ninia ema sira.
Enkuatu, negosiante ne’ebé hala’o negosiu iha Ai-mutin hamutuk 257 ne’ebé kompostu husi aldeia Sao Miguel 105 no Aldeia Postu Penal 152.