SASCAS Hala’o Doasaun Ran Hodi Selebra Aniversariu Ba Dahuluk

Dezembru 27, 2024

Nasional

SASCAS Hala’o Doasaun Ran Hodi Selebra Aniversariu Ba Dahuluk ^Featured

By Saturnina da Costa Novembru 16, 2022 455

Diretór Ezekutivu SASCAS, Edvin D. Soares Noronha, koko hela tensin atu hasai ran. Foto:Media Gabineti SASCAS.

DILI: Funsionariu hamutuk ho Diretór Ezekutivu, Diretór Adjuntu no mós parseiru sira husi Servisu Apoiu Sosiedade Sivil no Auditorial Sosial (SASCAS-Sigla Portugés) hala’o doasaun ran iha Cruz Vermelha Timor-Leste (CVTL).

Enkuantu, atividade doasaun ne’e, hodi selebra loron aniversariu SASCAS nian ba dahuluk, ne’ebé sei selebra iha loron 17 fulan-Novembru tinan ne’e.

Hafoin transforma husi Gabinete Apoio Sosiedade Sivil bazeia ba Dekreito Lei Nu.25/ 2021 de 17 de Novembro.

Tuir Diretór Ezekutivu SASCAS, Edvin D. Soares Noronha hateten, funsionariu sira ne’ebé halao kna’ar iha SASCAS halo doasaun ran ba Timoroan sira ne’ebé presija tulun ran iha Hospital Nasional.

“Atividade doasaun ran ne’e organiza husi SASCAS no servisu hamutuk ho Klinika Bairopite no CVTL, ho nia objetivu selebra tinan dahuluk ba SASCAS nian,”dehan Diretór Ezekutivu SASCAS, Edvin D. Soares Noronha, ne’ebé Online INDEPENDENTE sita iha komunikadu.

Iha fatin hanesan Sekertariu Jeral Ezekutivu CVTL, Luis Pedro Pinto hateten katak, ekipa SASCAS mai iha CVTL halo doasaun ran ba pasiente sira ne’ebé presija tulun, relasiona ho SASCAS nia aniversariu ba dahuluk.

Rate this item

(0 votes)