Dadaun ne’e, Papa Frascisco ho nia delegasaun sira sai ona husi Papua Nova Guiné mai Timor-Leste ho aviaun Air Niugini.
Nune’e sarani sira iha Timor-Leste hahú husi tuku 09 liu minute balun sarani sira nakonu ona iha Rotunda Nicolau Lobato.
Tuir observasaun husi Jornalista INDEPENDENTE iha terenu nota katak, inan-aman xsira kontente lori Bandeira RDTL no Vaticano hodi hein Papa Franscisco nia viajén mai Timor-Leste.
No sarani sira husi Tasi-tolu la’o husi rai-metan mai to’o Rotunda Nicolau Lobato hodi hein Papa Franscisco maske loron manas.
Komisaun organizadora mós komesa fahe sumbriña ba sarani sira iha Rotunda Nicolau Lobato, inklui inan balun ko’us hela nia-oan maske loron manas.
Agora dadaun, sarani ho madre kontinua nakonu ona iha Rotunda Nicolau Lobato, nune’e mós PNTL sira kontinua asegura sarani sira iha Rotunda Nicolau Lobato hodi hein sua Santidade Francisco.
Nune’e lian na'in sira ho kultura tradisionál hanesan babadok Timor Leste mós hein Sua Santidade Francisco iha Rotunda Nicolau Lobato.
Sarani, Amelia dos Santos ho kontente tebes foin da-uluk hodi hein Sua Santidade Francisco hodi hametin fiar Katólika iha Timor-Leste.
Sarani Amelia dehan, durante nia moris foin hasoru sua Santidade Francisco, tanbá hametin fiar katolika iha Timor-Leste .
