Tuir observasaun husi Jornalista INDEPENDENTE iha terenu haree katak, iha tuku 6:05 madre ho labarik no inklui inan-aman balun konsentra ona Uma Formasaun Postulantes-Novisiadas Irmãs Alma Rua Praia Dos Quequeros Dili.
Sarani sira konsentra iha fatin refere hahú husi madrugada tuku haat (04:00) hodi kontinua hein Papa Franscico ne'ebé atu vizita fatin refere
Nune'e sarani sira tuur iha Irmas Alma Bebonuk hodi hein Sua Santidade Francisco atu vizita madre inklui sarani ne'ebé hela besik fatin refere ne'e.
Dadersan deit inan-aman ho oan sira tur ona iha trotoar leten no inan aman balun hamriik ho situasaun ne'ebé seguru ba sira.Sarani balun kemesa la'o dadaun mai hodi konsentra hamutuk iha Madre Alma Bebonuk, atu nune'e hein Sua Santidade Francisco ho nia delegasaun sira.
Tanbá ne'e ema ho defisiénsia balun inklui inan balun ko'us nia oan hein iha estrada ninin Irmas Alma Bebonuk nia.
Sarani sira ho laran haksolok hodi simu sua Santidade Francisco nia prezensa lori dame no bensaun mai ami.
Ho espíritu dame no unidade hodi simu ho laran luak ba sua Santidade Francisco nia vizita fo esperansa hametin fiar Katólika.
