Ema ho Defisiente, Antonio Soares hatete, bainhira Papa Francisco liu haree nia matan been monu, tanba sente konsege haree direita.
"Ha'u haree bainhira Papa Francisco liu haree de'it, maske la kaer liman ne'e mós sente kontente ona, tanba ita sarani barak hein amu desde ohin dader to'o agora mai,” Dehan Sarani Antonio Soares, Ema ho Defisiensia ho kursi roda ba jornalista INDEPEDENTE iha Eskola 30 Agostu, horseik.
Nia haktuir, nnia kursu roda para kedas iha oin, maibé la konsege kaer ho Papa Francisco nian liman, tanba karreta halai maka'as loos, maibé importante haree de'it mós sente bensaun ona.
Entretantu, Imaculada Sufa mós espera sentimentu kontente bainhira Papa Francisco liu dalan ne'ebé sira hamriik.
“Bainhira haree amu Papa Francisco liu, sentimentu ida ne'ebé ha'u labele espresa sai, maske la konsege kaer liman ho Papa nia liman, maibé haree de'it mós sente terharum loos, tanba durante ne'e haree de'it husi média sosiál hanesan televizaun sira, maibé ohin ha'u bele haree direta ho matan rasik, no sente rasik,” Nia haktuir.
Maske nune’e, nia triste tanba kleur ona Amu Papa Francisco mai husi rai do'ok, maibé konsege mai Timor Leste, no mós kontente tanba prezensa Amu Papa Francisco ni’an ne'e lori bensaun boot.
