Sarani Eliza Tomas Coreira hatete, tanba laran kontente hodi hatudu símbolu domin no páz ba vizita Papa Franscisco.
"Ami sente haksolok tebes tanbá ne'e oferese tasi ne'e hodi nahe iha estrada nu'udar simbolu ida hodi simu sua Santidade Francisco," Dehan Sarani Eliza Tomas Correia ba jornalista INDEPENDENTE iha Pantai-Kelapa, Tersa (10/09).
Tanbá ne'e halo tuir na'in Jesus sarani tau hanesan palma iha momentu ne'ebá, nune'e amu papa hanesan simbolu jesus iha mundu ida ne'e.
Hosi prezensa Amu papa Francisco nia hotu-hotu iha fe ho kultura garantia ho hodi hametin fiar, ho esparansa Sua Santidade Francisco iha Timor-Leste hodi kria pas no estabelidade.
"Ha'u haksolok Amu papa Francisco mai vizita Timor-Leste nu'udar sarani agradese mos ne'e bensaun na'in Maromak nia hodi hametin fiar katolika," nia hato’o.
Ho prezensa Amu papa Francisco nia sei hetan paz, estabilidade ba sarani sira iha rai doben Timor-Leste, aumesmu tempu ho bensaun amu papa Francisco mai vizita komunidade sira iha Timor-Leste.
Ho bensaun ne'ebé amu papa Francisco hatun mai ita katak sente hakmatek, hetan matak malirin no grasa ho moris diak ba futuru.
Entretantu tuir observasaun hosi Jornalista INDEPENDENTE iha terenu notak katak, agora dadaun sarani sira konsentra hamutuk ona iha Irmãs Alma Bebonuk inklui ema ho defisiensia kadeira roda hodi hein Sua Santidade Francisco.
Polísia Nasionál Timor-Leste (PNTL) ho F-FDTL komesa asegura sarani sira iha Irmas Alma Bebonuk, tanbá sarani barak mak konsentra ona iha fatin refere.
