Tuir dadus Sentru Integradu Jestaun Krize (SIJK) iha loron 1 fulan-Juñu hatudu ema ne’ebé halo teste laboratóriu hamutuk 1.581.
Husi total ne’e, na’in 1.544 maka nia rezultadu negativu ona no na’in 13 maka sei hein rezultadu laboratóriu.
Ema ne’ebé agora dadaun halo konfinamentu obrigatóriu hamutuk na’in 55, kompostu husi Dili na’in 45 no iha munisípiu na’in 10.
Ema ne’ebé maka halo autokonfinamentu iha uma hamutuk na’in 12, kompostu husi Dili na’in sia (9) no munisípiu na’in tolu (3).
Ema ne’ebé maka passa ona loron 14 iha konfinamentu hamutuk 2.356.
Sentru Integradu Jestaun Krize husu nafatin ba públiku atu kumpri nafatin protokolu Organizasaun Mundial Saúde (OMS) mantein distansiamentu sosial no kuidadu ijiene pesoal fase liman bebeik no uza maskara bainhira sai husi uma.
