KDL halibur hela dadus kona ba labarik sira nia kondisaun ne’e oinsa sira inan-aman nia situasaun.

“KDL iha ona dadus 200 ital labarik ne’ebé agora dadaun fa’an hela sasan iha Dili laran,”dehan nia iha HNGV, ohin.

Nia esplika, hafoin KDL kompleta rejista dadus sira ne’e sei rekomenda ba Ministériu relevante hodi rejolve.

Tanba KDL laiha papel atu fó apoiu direita ba problema labarik sira nian.

KDL halo de’it advokasia oinsa governu bele tau programa prioridade hodi responde ba nesesidade labarik sira nian.

Iha loron 1 fulan-Juñu ne’e nu’udar loron mundial labarik, KDL mós hato’o parabens ba labarik sira hotu iha mundu tomak liu-liu ba labarik sira iha Timor-Leste.

Tinan ida ne’e la komemora loron direitu labarik tanba ho situasaun pandemia Covid-19. KDL halo programa ba vizita de’it labarik sira ne’ebé moras baixa iha HNGV hodi fó korajen ba sira no enkoraja sira nia inan-aman hodi bele rekupera lalais husi sira nia moras ne’e.