Advogado ba restaurante ocean view, José Edmundu Caetano hatete, restaurante refere seidauk sobu no sei hein notifikasaun husi Ministériu Justisa (MJ).

Tanba tuir lei espropriesaun nian katak tenki hetan notifikasaun ka termu aseitasaun kona-bá indimizasaun husi Ministériu Justisa la'os husi Ministériu Obras Públika ka autoridade munisipiu dili atu nune'e sira bele prepara hodi hamamuk fatin refere.

"Ami sei notifikasaun ne'ebé mai husi Autoridade kompetente laos obras públika maibé mai husi Ministériu Justisa kona-bá notifikasaun ninia tuir lei espropriesaun ninian katak tenki iha notifika ba ami para onisa ami bele prepara fatin ne'e halo mamuk" dehan Advogadu ne'e ba Jornalista sira iha Restaurante Ocean View Bebonuk, Kuarta (22/01).

Nia dehan, fatin restaurante ho Hotel ne'e pakote ida tanba ivestor na'in ida de'it, tan nee tenki iha liña koordenasaun entre investor ho estadu no liuliu iha Bee Timor-Leste Empreza Públika tenki kordana ho sira atu nune’e bele iha aseitasaun ruma hodi hetan soslusaun iha tempu badak nia laran.

Advogado hatutan, tanba ne’e to’o agora sira seidauk hatene lolos bainhira mak sira atu hamamuk fatin refere tanba notifikasaun verbal ne'ebé sira simu katak durante loron sanolu nia laran tenki hamamuk fatin maibé sira kosidera nee ilegal tanba la’ós mai husi MJ.

Nia dehan, kompaña ne’e nu’udar investor ida ne'ebé halo investimentu durante tinan 20 liu ona hahú husi tinan 2002 to'o agora, tan ne'e kompaña refere la’os okupasaun ilegal, maibé sira iha kontratu hodi halo arendamentu ba estadu.

“Ami seidauk hatene loron ka data ne’ebá atu sai tanba ami sei hein notifikasaun, tanba iha loron 17 fulan janeiru tinan ne’e mai ou menus liu oras tuku 11 dader, Ministeriu Obras Publika, vise Ministru infrastrutura ho nia ekipa tomak mai hatete ba ami dehan iha loron 10 nia laran tenki hamamuk fatin,” katak Nia.

hatutan tan katak, maibé nia parte dehan labele tanba ordem ne’e ordem ilegal, maske mai husi Vise-Ministru la’os nia kompetensia, tanba kompetensia ne’e Ministeriu Justisa ligadu ho espropriesaun ninian.

Tanba MOP hare de'it ba indiminizasau  no halo verifikasaun bens no moveis sira, oisan halo estimisaun montante ba nia tipo sira, laos ba fó fali ordem verbal de'it hodi haruka ema sai husi fatin ne'e labele.

Tan ida ne’e espropriesaun tuir lein nu.8/2017 klaru, presiza lee lei nee hodi hatene prosedimentu prosesu administrativu atu nune'e notifika oinsa, laos mai fó deit ordem verbal no ameasa deit katak loron sanolu nia laran tenki sai.

"Ami sei hela oinsa para iha liña kordenasaun  solusaun, atreve aseitasaun husi indimizasaun, tanba ida investimentu laos okupasaun ilegal, durante ne'e iha lisensiamentu kontratu arendamentu ba estadu tan nee buat hotu-hotu tenki tuir prosedimentu," katak Advogadu.

Akresenta tan katak, durante sira halo arendamentu ba estadu hahú husi tinna 2002 tanba ida nee investimentu, laos hanesan komunidade babain ne'ebé hela iha tasi ibun no mota ibun sira nee oinseluk no sira hetan kompensasaun tuir nesesidade governu nian.

Enkuatu hatan ba kestaun ne'e, Ministru Justisa Sergio da Costa Hornai, hatete, Ministériu Justisa labele halo interferensia ba kompetensia husi instituisaun seluk.

Maibé kabe ba MJ, nia parte sei halo medida hotu tuir lei, no halo tuir deit medida sira ne'ebé la fó kauza ba kontradisaun sira ne'ebé ba interese publiku nian.

"Hau labele halo interferensia ba iha kompetensia balun ne'ebé pertense ba iha diresaun ka instituisaun seluk ninian, maibé ida ne'e kabe ba ministeriu, Ministériu Justisa sei halo medida ba iha buat hotu konforme lei i halo tuir deit ba medida sira ne'ebé la tau inkauza ba iha kontradisoen ba Públiku ninian," katak Ministru.

Enkuantu, tuir kontratu entre  restaurante Ocean View  ho estadu Timor-Leste ne'ebé iha sei remata iha tinan 2032.