“Nia nu’udar igreja nia oan-feto, Primeiru-Ministru nu’udar igreja nia oan-mane, nune’e atu enkoraja sira atu hetan solusaun iha sentidu umanidade, iha sentidu Justisa, iha sentidu respeitu ba lei no atu hadi’a kualidade edukasaun iha Timor, hotu-hotu hamutuk halo esforsu, ida-idak tuir nia kna’ar, profesór sira, governu, igreja atu hadi’a direitu labarik no foin-sa’e sira nian atu hetan ensinu báziku, segundu primária no sekundária,” dehan Monseñur Sprizzi iha nia servisu fatin Faról, Kuarta (31/07).
Iha loron 30 fulan Jullu tinan 2024 Manorin kontratadu 2023, hasoru Reprezentante Santa Sé iha Timor-Leste hodi hato’o problema sira ne’ebé durante ne’e sira hasoru liuliu asuntu justisa, umanidade no direitus humanus.
Protavoz kontratadu Agustinho Pinto hatete, profesor kontratadu 2023 ba hasoru Reprezentante Santa Sé iha Timor-Leste, la’os lori estadu Vatikanu maibé reprezentante Amu Papa Fracisco na’in ulun igreja katólika nian hodi hato’o sira nia prekuopasaun sira ne’ebé durante iha hanesan, justisa umanidade no direitus humanus.
“ohin ami profesor kontratadu sira mai hasoru malu ho Santa Sé hanesan ita hotu hatene katak Santa Sé iha ne’e reprezenta papa nia se ita igreja katólika hatene katak papa ne’e reprezenta São Pedro, entau ami ohin mai la’os atu ko’alia kona-ba asuntu pólitika, maibé konaba peukupasaun sira ne’ebé durante ne’e ami hasoru hanesan justisa umanidade no direitus humanus,” nia esplika
Nia hatutan, durante ne’e sira senti hanesan hetan deskriminasaun boot husi Ministeriu edukasaun tanba problema profesor kontratadu la’os problema legal maibé politikus tan ne’e sira husu ba reprezentante Santa sé hodi reza sira ba sira no fó apoiu moral oinsa atu koalai ho lider sira liliu primeoru Minsitru.
“Tanba dala rua santa se nia hanoin ami ho governu la kopera atu halo asaun oioin hodi boikota fali vizita Papa nian mais la’e, entau asaun sira ami halo liga ba direitus huamanu sidadaun Timor nian,” dehan Porta Voz.