Prezidente Autoriedade Rejiaun Administrativa Espesial Oe-Cusse Ambeno, Rogerio Lobato hatete, nia parte hato’o ba Primeiru-Ministru kona-ba investór husi Áfrika do Súl atu halo investimentu eletrisidade iha REAOA.
“Primeiru investimentu iha Oe-Cusse iha área energia solár aproveita loron prodúz eletrisidade husi grupu ida mia husi Áfrika do Súl para investe prodúz 15 MWh iha Oe-Cusse, no propsta ne’e aprovadu ona husi Primeiru-Ministru,” dehan PA RAEOA iha Palasiu Governu, Kinta (01/08).
Prezidente dehan, iha loron tuir mai sei asina kontratu ho investór sira ne’ebé sei halo iha Dili no partisipa direta husi Primeiru-Ministru Kay-Rala Xanana Gusmão.
“Tuir mai iha loron balun hau senti katak ami sei asina kontratu ne’e, tanba ida ne’e primeiru investimentu estranjeiru iha Oe-Cusse ami sei halo iha Dili atu nune’e Primeiru-Ministru mós partisipa,” katak PA.