Ministru Defeza (MD), Donanciano Costa Gomes "Pedro Klamar Fuik" hateten, prosesu rekrutamentu institusional sempre iha situasaun balun la tama iha normalidade, maibe  tenki aseita katak, buat sira ne'e hotu hadia ho nia tempu rasik.

"Instituisaun F-FDTL eziste tinan 23 ona, ita hakarak atu bele hametin ita nia prosesu konstrusaun estadu, maibe ita mós tenki  hatene, prosesu konstrusaun estadu nasaun nianl, balun mak to'o iha prosesu rekrutamentu institusional inkluzivamente iha forsa armada F-FDTL, bainhira ita boot sira iha sosidade detekta iha irregularidade ruma  ne'e normal, agora  tendensia husi resposavel estadu  ho instituisaun tenki mak tenki loke prosesu investigasaun atu hadia sistema evita lable akontese iha futuru," informa "Pedro Klamar Fuik" ba jornalista sira iha ambitu selebrasaun  transformasaun FALINTIL ba F-FDTL dala  23 iha kuartel Jenerál Fatuhada, (02/02).

Nia informa,  mosu irregularidade ne'e laos atu hapara deit,  maibe iha failla ruma tenki buka hatene problema iha ne'ebe buka investiga loke prosesu atu buka hatene nia sala, depois  fo resposta ba publiku.

"Ita dehan mosu irregularidade ne'ebe atu hapara deit, ida ne’e la’os solusaun di’ak. Maibé, iha failla ruma ita tenki buka hatene problema ne’e iha ne'ebé, ita buka investiga loke prosesu atu buka hatene nia sala depois ita fó resposta, tanba ne'e prosesu hotu iha nia espasu rasik atu trata neneik sai hanesan lisaun para depois prosimu hadia tempu tuir mai ita bele hadia," informa nia.

Tuir informasaun katak iha prosesu rekrutamentu espesialidade ba vaga 87, F-FDTL foun, iha instituisaun FFDTL simu rekomendasaun hamutuk ema nain 18.

"Ida ne'e hanesan  dala ruma ita boot sira publiku jeneraliza buat ne'ebé mak dala ruma kompetensia propriu institituisaun ida  nia ita boot sira hakarak hatene hotu saida mak hela iha kompetensia propria iha instituisaun nian," afirma nia.

Tanba ne'e laiha desizaun ruma ne'ebé bazeia ba kompetensia propria husi desizores ida nian ba kualker sitausaun ida mosu.

"Entaun ita boot sira  ne'e dala ruma bele iha kredibilidade bele mos iha prosesu ne'e rasik fuga kedas nesesariu, entaun saida mak akontese, tuir lolos ita kria ambiente ida ne'ebé ita fo konfiansa ba ema hotu  katak iha prosesu hotu tendensia ita hadia, maibe ita buka kria konfuzaun," subliña nia.

Molok ne’e Xefi Estadu Maiór Jenerál (F-FDTL) Tenente Jenerál, Domingos Raul Falur Rate Laek hateten, prosesu rekrutamentu espesialidade ba membru F-FDTL hamosu irregularidade balun, tanba kandidatus sira mai hato'o ona keixa.

“Hau foin ohin dadersan mak hau simu sira grupu ida  kompostu husi jovem nain 3 mai halo keixa iha ne'e, tanba mosu irregularidade balun iha prosesu rekrutamentu, agora hau halo ona despaixu ida ba komisaun rekrutamentu atu responde sira nia kestaun sira ne'e,”dehan Falur ba jornalista sira iha knaar fatin kuartel F-FDTL Fatuhada  foin lalais ne’e.

Nia informa, normalmente kuandu halo prosesu hanesan ne'e, sempre iha nia sala kuandu prosesu ne'e komu kompleksu no delikadu nia sala nee derota nee tenke iha revez nee tenke iha vitoria no susesu tenke iha,tanba nee mak buka para atu taes.

Nia haktuir keisa neebe nia simu hatete katak, kandidatu sira ne'ebé naran uluk la lakun tiha ona mosu fali, depois  atestadu mediku ne'e la transparansia, tanba ne'e mak halo despaixu  ba iha komisaun rekrutamentu hodi halo resposta ba iha publiku.

Nia afirma, kuandu mosu duni iregularidade ne'e akontese duni ida ne'e krime  sei prosesu tuir lei no justisa ne'ebé vigora ona iha  TL.

“kuandu mosu irregularidade kiik sai hanesan lisaun ida ita aponta para depois prosimu ne'e labele akontese  tan, tanba ne'e investigasaun mak sei determina, hakotu nia.

Antes ne'e, Tenente Jenerál Reformadu, Lere Anan Timur, kestiona kona-ba vaga rekrutamentu rejime ho liafuan espesiál ne’ebé aplika ba Forsa FALENTIL Defeza Timor-Leste (F-FDTL).

“Kona-ba kestaun rekrutamentu espesiál, ba ha’u iha ne’ebá karik ha’u la dehan rekrutamentu espesiál, ha’u tau naran rekrutamentu ba espesialidade,  tanba espesiál ho espesialidade ne’e la hanesan, espesiál ne’e signifika buat ida ne’ebé la klaru, ema ne’e atu ba sai militár ba saida, mas ba espesialidade ne’e ema hatene ona katak, iha instituisaun F-FDTL saida mak sei falta, ezemplu doutór fuan, nehan, matan, no aviadór nian sei falta, entaun se mak iha area hirak ne’e tenke ba tuir rekrutamentu, tuir inspesaun, ema ba tuir ididak nia espesialidade la’ós ba espesiál,” deklara Lere Anan Timur iha nia rezidénsia Faról Dili, foin lalais.

Nia dehan, rekrutamentu rejime espesiál, ne’e se mak diploma s1 ,s2 ba tuir hotu rekrutamentu, ema rihun ba rihun mak ba konkorre vaga refere.

“Vaga rekrutamentu foin lalais loke ne’e la’ós uitoan, ema besik kuaze rihun 10, husi númeru ne’e hetan de’it vaga 87, to'o ohin loron lista seidauk sai, tanba saida la hatene, karik iha irregularidade iha laran, ida ne’e sempre, kuandu ita konkorre buat ruma na’in-10 mak konkorre ba vaga ruma na’in ida mak liu, na’in-sia ne’e protesta dehan irregularidade mas ema ne’ebé manan la ko’alia buat ida, mas ne’e normal,” afima nia.

Nia afirma, rekrutamentu espesiál, ne’e mak ema barak ba ne’e la hatene, sira ne’e aban bairua servisu tuir area espesialidade ka lae, kuandu temi ba espesialidade ne’e labele ba hasai kursu agora aban mai kedas ho espesialidade, mai tenke ho kritériu ho esperiénsia servisu tinan hira ona para ema ne’ebé ba ne’e labele ulun moras, ba para hodi servisu.