Servisu Saúde Bobonaro Laiha Ai-moruk Atende Pasiente Chikungunya Featured

By Adelaide dos Santos Fevereiru 05, 2024 1070
Diretór Servisu Saúde Munisipiu Bobonaro, João Baptista Cardoso. Foto:Google. Diretór Servisu Saúde Munisipiu Bobonaro, João Baptista Cardoso. Foto:Google.

DILI: Hahú fulan-janeiru 2024, Diresaun Servisu Saude Munisipiu Bobonaro rejista kazu Chikungunya hamutuk na’in-6, maibé laiha ai-moruk atu atende pasiente sira hodi rekopera fali sira-nia saúde.

Diretór Servisu Saúde Munisipiu Bobonaro, João Baptista Cardoso hatete, pasiente Chikungunya sira ne'e servisu saúde munisípiu Bobanro la halo tratamentu, tanba pasiente sira-ne'e ladun grave, maibé fo deit ai-moruk paracetamol, nune'e bainhira isin manas karik sira bele hemu de’it iha uma.

“Hahu iha Janeiru tinan 2024 ne'e, Servisu Saude Munisipiu Bobonaro ita rejistu moras foun ho naran chikungunya iha nain 5 ka 6 hanesan ne'e, ita atu halo tratamentu ba sira iha fasilidade saúde iha Munisipiu Bobonaro ne'e, maibe ai-moruk kona-ba virus chikungunya mak laiha, entaun ita fo deit ai-moruk paracetamol hodi konsumu iha uma de’it,” Dehan Diretór Servisu Saúde Munisipiu Bobonaro,  João , liu husi via telefone, Sexta (02/02).

Diretór dehan, pasiente sira iha Servisu Saude Munisipiu Bobonaro ne'ebé deteta moras chikungunya afeita ba labarik no idultu.

Rate this item
(0 votes)

Independente Digital TV