Vise-Prezidente Asuntu Organizasaun Estrutura PSHT, Manuel Smith hatete, GAM husi Persaudaraan Setia Hati Terate (PSHT), entrega ona proposta ida ba governu liu husi Komisaun Reguladora Arte Marsiais (KRAM), atu kria kondisaun ida entre arte marsiais hotu-hotu atu tur hamutuk halo diálogu nakloke.
"Kria kondisaun atu arte marsiais sira tur hamutk halo dialogu terbuka par atu buka fitar no kanek durante tempu barak nene tansa mak ita nia jovem sira tenki mate ho arte marsiais," dehan Manuel ba Jornalista iha iha salau KRAM Lecidere, Sesta (07/04).
Vise-Prezidente esplika, Arte marsiais nee hanesan asaun desportivu ida, tanba sa sira ba aprende hodi kompete iha asaun desportiva.
Maibé aprede hodi Estrada no destroi malu fali iha iha fatin sira ne’ebé la tenta ka hanoin atu mosu.
"Entaun ita husu ba KRAM par atu kria kondisoens ho governu atu loke dialogu ida entre arte marsiais no arte rituais atu nune’e bele ko'alia ba fó liman ba malu," nia hato'o.
Vise Prezidente Manuel Smith mós husu ba governu atu hamosu tarabandu nasional ida, atu ema hotu-hotu labele tula liman naruk ba malu, atu nune’e bainhira iha ema ruma kontra prosesa tuir kultura no lei ne’ebé vigór tuir sistema juridisiáriu iha Timor-Leste.
Porta-Voz Grupu arte Rituais 77, Sebastião Nunes 'Sai La Fila' husu governu atu identifika problema ne'e nia fukun, tanba kada tinan grupu rua sempre asaltu malu too halakon ema seluk nia vida.
"Liliu ba iha governu atu hare to’ok problema saida mak iha tinan-tinan sempre akontese iha grupu rua ne’e seran malu hela deit, ninja problema nee iha ne’ebé, problema tanba servisu mak la iha ka, balu ba tiha iha ne’ebaá servisu iha rai-li’ur mós problema nafatin estadu haree to’ok ida ne’e buka to’ok mekanizmu oinsa solusaun diak para iha futuru atu labele akontese nafatin," dehan Porta Voz.
