Lider grupo arte marsiais no arte Rituais husu aplika regras rigorozu ba individu neebe komete krime, relasiona ho konfrontu ne’ebé akontese iha Santuáriu Fatíma Lisboa Portugal hodi hafo'er Timor-Leste nia naran.

Vise-prezidente Asuntu Organizasaun Estrutura Persaudara Setia Hati Terate, (PSHT), Manuel Smith, hatete, situasaun neebe mosu iha rai laran no rai li’ur ne’ebé envolve husi grupo arte marsiais no rituais sira, entrega tomak ba governu, tanba atividade formasaun ba membru husi organizasaun nian dadaun nee taka hela.

"Ba situasaun ne’ebé mak mosu iha rai laran liliu envolvimentu arte marsiais ita entrega tomak tanba neste momentu arte marsiais sei iha konzeladu taka maibé aktividade komisaun lao nafatin Lai iha aktividade formasaun ba grupu ba membru sira hotu, hetan kontru makas husi Prezidente KRAM I governu atu nune’e karik fo medida regiroju ne’ebé ba kualker pesoa ne’ebé mak involve iha situasaun ne’ebé mak bele hamate ka halakon Ita nia alin nia vida," dehan Vise iha Salaun KRAM Lecidere, Sesta (07/06).

Porta Voz Grupu arte Rituais 77, João Batista "sai la fila" hatete, relasiona ho kazu ne’ebé akontese iha Portugal hodi halakon joven ida nia vida, nia parte husu ba governu atu rezolve tuir lei ne’ebé vigór.

Nia mos husu governu atu identifika problema ne'e nia fukun, tanba kada tinan grupu rua sempre asaltu malu too halakon ema seluk nia vida.

"Liliu ba iha governu atu hare took problema saida mak iha tinan-tinan sempre akontese iha grupu rua nee Jan malu hela deit, ninja problema nee iha ne’ebé, problema tanba servisu mak la iha ka i balu ba tiha iha neeba servisu iha rai liu mos problema nafatin estadu hare tok ida nee buka tok mekanizmu oinsa solusaun diak Para iha future karik labele akontese nafatin," dehan Porta Voz.

Porta voz nee mos apela, ba joven timor oan sira iha rai laran no mos iha rai-liur liu-liu membru organizasaun 77 atu labele kria tan situasaun foun

Maibé bainhira iha ema ruma mak hakarak hamosu situasaun foun mak nia rasik sei hatan mesak tuir lei neebe vigór ona.