Aman matebian, Sebastião Nunes, hatete, familia hasoru Komisaun Reguladora Arte Marsiais (KRAM) atu hato'o ba Governu liu husi Ministériu Negósiu Estrajeiru no Koperasaun (MNEK) no embaixada sira buka meus oinsa hodi lori fila mate isin mai Timor.
"Ohin hakat mai iha nee hanesan matebian Domigos do Rego ne’ebé lakon vida iha Portugal Lisboa iha Semana kotuk liu ba tanba ne’e ami hakat mai iha ne’e hamutuk ho Prezidente KRAM atu nune’e hato’o ba Governu no MNEK ba mos embaixada sira buka meius oinsá para mate isin Domingos do Rego tenke to'o iha Timor," dehan Familia Matebian ba Jornalista sira iha Salaun enkotru KRAM Lecidere, Sesta (07/06).
Aman husi Matebian nee dehan, matebian Domigos do Rego ba iha Portugal atu buka servisu hodi sustenta ekonomia Familia iha Timor. Tanba TL la iha kampu traballu ho nune’e nia esforsu ba rai liur hodi buka servisu, maibé Familia rona katak oan Domigos hakotu iis.
Nune'e nia parte rekomenda ba KRAM hodi esforsu hamutuk ho governu oinsa bele lori fila mate isin too iha Timkr.
"Ida nee mak inan Aman sira nia ejije, tanba nudar inan Aman ne’ebé iha rural ne'eba ami deskontenti tanba ami nia oan nee lakon vida, hanesan ohin prezidente sira ko'alia ona katak Laos husi grupu ida ne'e no ida ne'eba maibé ne'e hanesan buat ida karik insulta nia mate ona buat hotu ita tenki simu tanba nee realidade mak ida nee, Duke nia mate iha Timor, di'ak liu nia ba mate iha Europa ne'ebá atu hatudu ba mundu katak Timor mos ba mate iha rai Santa Fatima," katak Sebastião.
Prezidente KRAM, Octavio Conceição, nia parte halao ona enkontu ho Familia Matebian no líder husi arte Marsiais no arte rituais hodi ko'alia kona-ba Jovem timor-oan ne’ebé mate iha Portugál.
Nia dehan, husi parte hirak ne’e, nia dehan, konkorda ona katak prosesu hotu entrga ba prosesu legal sira ne’ebé iha.
"Nunee mak komisau reguladora realiza enkontru ida nee atu hotu-hotu kolabora ho governu ba prosesu sei kontinua mai depois karik mate isin to'o mai Timor-Leste," dehan Prezidente.
Iha biban ne’e, Costa Voz Ogranizasaun Arte rituais 77, João BATISTA 'Sai La Fila' apela ba membru 77 tomak atu labele kria tan situasaun foun maibé hamatek hodi hein matebian Domigos do Rego nia mate isin ne’ebé sei organiza husi estadu Timor tenki simu ho tristeza, Domin, Paz no dame.
