Vigario Jerál Arquedioseze Dili Césario Santos Barros, liu husi konferénsia impresário hatete, CET preocupado no lamenta tebes ho konfrontu sira ne’ebé mosu iha madrugada Domingo dia 2 Juñu2024 iha areador Santuário Fátima nian iha Portugal to'o Jovem ida lakon vida no no balun kanek todan.

Vigáriu informa, tuir fonte credivel balun, vítima mortál mane ida bo tinan 25, no konfrontu ne'e envolve jovem timoroan ho idade entre tinan 25 to'o tinan 30 mak baku-malu, maski seidauk hatene motivo loloos insidente ne'e.

"Ami, Bispo Timor nian, manifesta ami-nia laran-susar no la koncorda ho kualkér forma violéncia ne’ebé, la bele iha fatin iha sociedade nia leet, liu-liu iha fatin sira hanesan Santuário Fátima,"dehan Vigario iha iha Sede CET Bidau, Vintage (06/06).

Bibi-atan ne'e hatutan, ho hahalok hirak nee, Igreja katólika Timor-Leste husu deskupa ba konferensia Episkopál Portuguesa, partikularmente ba Dioseze Leiria ho sarani sira.

"Liu husi jestu públiku ida ne'e, ami husu deskulpa ba povu portugués, ba Konferénsia Episkopál Portuguesa, em partikular ba Dioseze Leiria ho nia sarani sira, ba morador no peregrino sira Santuáriu Fátima nian, ba hahalok jovem sira ne'e nian ne’ebé perturba ona hakmatek no sakralidade Santuáriu Fátima nian.

Nune'e, CET mos apela ba polisia judisiariu Leiria nian atu investiga episódio Konfrontu ne’ebé akontese iha Santuariu Fatíma ne'e.

"Ami apela ba Polícia Judiciária Leiria nian atu investiga didiak episódio confronto sira ne'e no ami hein ho ansia resultado sira investigação nian atu responsável ato sira ne'e hetan julgamento tuir lei sira em vigor," katak Vigáriu.

Iha biban ne'e, CET mos apela ba jovem sira ne'e atu konverte-aan no halakon ondas no espirál violénsia nian, atu jovem sira hotu, em jerál, moris tuir sira-nia fiar sarani, respeita no hadomi malu no halibur hamutuk esforsu tomak atu halo buat di'ak iha rai ne’ebé deit sira hela ba.