“Atu mai informa ba Prezidente Repúblika katak Austrália hatudu fleksibilidade di'ak atu avansa ba faze sira tuir mai,” dehan PM Rui foin lalais ne'e. 

Nia dehan, ohin mai informa mós kona-ba Austrália nia pozisaun iha prosesu konsiliasaun obrigatoriu ninin ba fronteira marítima, tanba ne’e hanesan governu mai informa ba prezidente.

PM Rui dehan, prosesu  ba fronteira marítima ne’e konfidensiál maibé hanesan governu tenke informa ba Prezidente Repúblika katak Austrália iha hanoin di'ak atu koopera.

Xefe Governu ne’e dehan, ko’alia ho prezidente ne’e sei la ko’alia kona-ba detalla, maibé ko’alia kona-ba pozisaun Austrália hatudu duni nia vontade tomak atu tama iha prosesu tuir mai.