Nia dehan, prosesu ne’e sei la’o hela, tanba suku balun iha aldeia rua no tolu deit, no mós balun iha aldeia 11, tanba ne’e, identifika lolos, ida ne’ebé mak merese atu sai benifisiaariu ba programa ne’e.

" UKL Plus ne'e, agora dadaun prosesu indetifikasau la'o hela iha suku sira ne'ebe hetan aldeia rua no suku balun aldeia to'o 11, entaun kria manual ida atu bele iha justisa ho justu,"dehan nia salaun Lux Clarita, kuarta horseik (14/04).

Nia hatutan, programa Governu nian iha tinan ida ne’e, sei konstrui tan UKL+ ba benifisiariu sira hamutuk uma-kain 10 kada suku.

Nia dehan, programa ba UKL+ ne’e fahe ba parte rua, ezemplu, ida mak, uma ne’ebé halo ho du’ut no uma ne’ebé att liu, parede balun seidauk tau semente, hirak ne'e iha direitu atu hetan.

Aleinde, ba hirak ne’ebé ninia uma kalen sira feruzen hotu ona, ida ne’e mós iha direitu atu hetan, maibé Governu sei fó fali kalen atu bele truka.

Enkuantu, prosesu ba identifikasaun UKL+ ne’e, MAE servisu hamutuk Programa Nasional Desenvolvementu Suku (PNDS) hodi halo identifikasaun no mós ba kontrusaun.

Entretantu, orsamentu ne’ebé Governu aloka ba programa konstrusaun UKL+, iha teritoriu Timor-Leste, hamutuk montante dolar amerikanu tokon U$25.