Montante globál billiaun $3,1 ne’e hetan redusaun 8% ka millaun $264 kompara ho OJE Retifikativu 2022 ne’ebé Governu sei distribui ba Entidades Estadu hamutuk 109 ne’ebé hola parte iha perímetru orsamentál 2023.
Totál despesa globál ho montante billiaun $3,1 ne’e kompostu husi Orsamentu Administrasaun Sentrál billiaun $2,8, montante ne’e inklui ona Fundu Kombatentes Libertasaun Nasionál, billiaun $1.
Orsamentu Seguransa Sosiál hetan alokasaun millaun $235,7 no RAEOA millaun $120. Montante despesa globál iha PPL OJE 2023 hanesan mós ho montante despesa globál iha Lei das Grandes Opções do Plano 2023 ne’ebé mak Prezidente Repúblika, José Ramos-Horta promulga ona iha fulan-juñu liubá.
“Proposta OJE 2023 ne’e sei uza hodi finansia Programa 49 ho medidas prinsipál 275,”haktuir komunikadu ne’ebé Online INDEPENDENTE asesu, kinta ne’e (15/09).
Ho nune’e, organizadu iha área estratéjiku 16 ne’ebé Governu sei foku ba iha tinan oin, hanesan, agrikultura ba pekuária, peskas no floresta.
Aleinde, ba ekonomia no empregu no mós turizmu ba dezenvolvimentu rural no abitasaun.
Enkuantu, ba ambiente hanesan petróleu no minerál no mós eletrisidade no enerjia renovável.
Iha mós konektividade nasionál, bee no saneamentu, edukasaun no formasaun, no mós saúde.
Nune’e mós, inkluzaun no protesaun sosiál, kultura no patrimóniu, reforma estadu, defeza no seguransa nasionál, relasaun internasionál no mós polítika esterna.
????́? ??????́? ?????́? ????? ????????? ??%
Distribuisaun Tetu Agregardu Orsamentu Administrasaun Sentrál ba OJE 2023 bazeia ba setór importante sira iha Planu Estratéjiku Dezenvolvimentu: Setór Kapitál Sosiál ne’ebé inklui Saúde, Edukasaun no Protesaun Sosiál hetan alokasaun millaun $771,7 ka 36%.
Tuir kedan ho Setór Kuadru Institusionál ho orsamentu alokadu millaun $706,1 ka 33%.
Dezenvolvimentu Infraestrutura ho orsamentu alokadu millaun $380,3 ka 18% no Dezenvolvimentu Ekonómiku ho orsamentu alokadu millaun $230,6 ka 11%.
???????? ????????? ????? ????????? ????????? ??????? $??
Iha Proposta OJE 2023, Governu mós propoin ba Parlamentu Nasionál orsamentu ba Programa Nutrisaun ho montante millaun $10. Ida-ne’e reprezenta aumentu ?????? ????? ka porsentu atus-haat (400%) kompara ho orsamentu alokadu ba programa Nutrisaun iha OJE 2022.
Ba oin, Governu ofisialmente sei entrega PPL OJE 2023 ba Parlamentu Nasionál iha loron 3 fulan-outubru atu diskute no aprova iha fulan-novembru nia laran molok haruka ba Prezidente Repúblika atu tetu iha tinan ida-ne’e nia rohan.
Kalendáriu ne’e tuir ona espíritu Lei Foun Enkuadramentu Orsamentál ne’ebé mak promulga husi Prezidente Repúblika, Francisco Guterres Lu Olo iha fulan-fevereiru liubá.
Lei estruturante ne’ebé sai nu’udar baze ida ba Reforma Jestaun Finanseira Públikas iha Timor-Leste, konkista importante ida ne’ebé mak Oitavu Governu Konstitusionál lideradu husi Primeiro-Ministro: S.E. Taur Matan Ruak halo durante nia mandatu.
