Projetu Komunitariu Edukativa 2021 atinji ona 75% Featured

By Ivonia Varela Fevereiru 19, 2024 134
 Diretór Nasionál Infrastrutura Edukativa (DNIE), Helio Lopes. Foto: INDEPENDENTE/Ivonia. Diretór Nasionál Infrastrutura Edukativa (DNIE), Helio Lopes. Foto: INDEPENDENTE/Ivonia.

DILI: Projetu Komunitáriu Edukativa hamutuk 230 ne’ebé konstrui ona iha tinan 2021 dadaun ne’e atinji ona pursentu 75 (75%).

Diretór Nasionál Infrastrutura Edukativa (DNIE), Helio Lopes hatete, projetu konstrusaun edukativa liliu ba eskola komunitáriu ne’ebé realiza husi Oitavu Governu Konstituisionál husi orsamentál tinan 2021 dadaun ne’e atinji ona pursentu 75 (75%).
Nia dehan, Projetu hirak ne’e barak mak finaliza ona no utiliza ona, no balun ne’ebé antes ne’e seidauk rezolve, dadaun ne’e governu rezolve ona iha tempu badak bele finaliza ona.
“Iha tinan 2021 ne’e kuaze 230 projetu ne’ebé agora dadaun iha 75%, no balun iha faze final hodi uza ona, iha balun mak seidauk remata” dehan Diretór ba Jornalista sira iha Uma Koffi-Anan Kaikoli, Segunda (19/02).
Diretór afirma, projetu sira ne’ebé seidauk finaliza tanba iha kondisaun balun ne’ebé liga ba kestaun sira hensan kaestaun tékniku, kestaun jeografia ne’e mak halo kontrusaun ne’e atraju maibé rezolve ona tan ne’e iha tinan 2024 nia rohan bele remata ona.
Nia projetu ne’ebé maoria finaliza ona husi munisipiu Díli, Aileu, Baukau, Likisa no Manatuto.
No orsamentu 2021 ne’ebé halo alokasaun ba projetu 230, dolar amerikanu hamutuk millaun rua-nolu (20 miloens)
Enkuantu, ba projetu ne’ebé alokasaun husi 2023, Diretór esplika, Projetu kontrusaun edukativa ba tinan 2023, projetu hamutuk 116 dadaun ne’e atinji ona pursentu 30 (30%) ho nia orsamentu hamutuk millaun sanolu ($10 miloesn).
Nia salienta, ba projetu sira ne’ebé mak kompanha abandona Ministeriu Edukasaun sei hapara tanba kontrusaun atraju sei prujika ba prosesu aprendijazem.

Rate this item
(0 votes)
Last modified on Tersa, 20 Fevereiru 2024 11:40

Independente Digital TV