“Embaixadór José Andrade de Lemos nu'udar diplomata Angolanu ida ne'ebé susesu ho karreira ne'ebé hala'o durante tinan tolu-nolu nia laran. Nia servisu nu'udar konselleiru iha Gabinete Sekretáriu Estadu Negósius Estranjeiru (SENE) no Embaixadór Angola nian ba Emiradus Arabes Unidus, Arabia Saudita, Kuwait, Qatar no Bahrain,”Online INDEPENDENTE sita iha komunikadu.
Ho nune’e, nasaun rua ne'ebé ko'alia lian portugés iha kompromisu atu reforsa kooperasaun iha ámbitu Komunidade Pais Lian Portugés (CPLP sigla portugés). Timor-Leste partikularmente rekoñese Angola nia esperiénsia iha setór mina-rai no gás.
Angola sei sai nasaun Afrika dahuluk ne'ebé ko'alia lian Portuges hodi loke embaixada ida iha Timor-Leste, hodi kontinua relasaun diplomátika entre nasaun rua ne'e.
Kooperasaun entre nasaun rua ne'e mós haluan ba asuntu rejionál sira, inklui disputa marítima iha Tasi Xina Súl, iha ne'ebé Timor-Leste apoiu rezolusaun pasífika liuhosi diplomasia.
Nasaun rua apoiu malu iha esforsu multilaterál sira inklui esforsu Timor-Leste nia integrasaun ba ASEAN no pozisaun Angola nian iha Sahara Osidentál.
Entretantu, Prezidente Ramos-Horta hato'o nia konfiansa katak nomeasaun Embaixadór José Andrade de Lemos sei hasa'e no hametin ligasaun amizade no kooperasaun entre Timor-Leste no Angola.
