Nia dehan, Governu Austrália hare infrastrutura, fatin ba ró iha baze komponente Naval rasik la di'ak, tanba ne'e sira deside suspende lai doasaun ba ró guardian klase patroillamentu rua ne'ebé sira atu oferese ba Timor-Leste.

Agora sira suspende hela prosesu entrega ró, bainhira infrastrutura Portu atu atraka ró di'ak mak sira foin entrega ró guardian klase patroillamentu rua ne'e ba ita atu utiliza.

Nia informa, razaun fundamentu ne'ebé Governu Austrália deside suspende entrega ro guardian klase patroillamentu rua ba Timor-Leste, tanba fatin instalasaun portu fatin ba atraka ró dook no aat ona ró labele para iha fatin ne'ebá tauk mout ba tasi laran.

"Razaun Austrália Suspende, tanba ita haree fatin instalasaun portu fatin ba atraka ró ne'e laiha, agora portu iha baze komponente Naval ne'e dodok ona ró para ladiak bele mout ba tasi laran, depois Portu Dili ho Tibar ne'e labele autoriza ró militár atu para iha ne'e ita labele obriga, tanba ne'e Governu agora planu atu hadia Portu iha baze komponente Naval ne'e, maibé bainhira mak atu hahú halo ne'e Ministru Defeza mak hatene," hakotu nia.

Antes ne'e, Eis Xefe Estadu Maiór Jenerál F-FDTL, Lere Anan Timur lamenta  Ministériu Defeza tanba la kontinua ho akordu anteriór ne'ebé iha tiha ona entre Governu Austrália ho Governu Timor Leste ne'ebé atu oferese ro rua mai Timor Leste.

Nia dehan, governu ida sa'e, governu ida tun, ida-idak halo ninian mas loloos ne'e iha lei ida ne'ebé governu ida sa'e tenke hatutan saida governu uluk hala'o ne'e, ida ne'ebé la di'ak hadia no ida ne'ebé di'ak  ne'e hatutan.

"Hanesan uluk ha'u nia tempu iha kooperasaun tékniku militár di'ak ho Austrália sira atu fó ro rua agora Ministru Defeza kansela tiha ro rua la mai  no Portu Hera uluk ha'u nia tempu orsamentu $90 milloens atu hadia mas osan ne'e ba tiha ne'ebé la hatene, buat hotu signifika ita hakarak halo buat foun ne'e mak ha'u hanoin katak governu ida sa'e tenke hatutan governu uluk halo," dehan Eis Xefe Estadu Maiória Jenerál F-FDTL, Lere Anan Timur ba jornalista sira hafoin halo lansamentu fatuk dahuluk ba airin bandeira haat iha AMRT, I.P Liceu, Sexta foin lalais ne'e.

Nia hatete, nia parte lamenta duni, tanba ema lakon osan, alende halo ro.

"Ha'u lamenta duni, ema lakon osan, sira alende halo ro, ro ita lakohi ne'e la buat ida, ne'e sira nia ro nafatin, mas ita nia ema ne'ebé ita haruka ba rekusu umanu ita la'ós haruka ema ida-rua a nivél pelutaun ba ro ne'e, mas depois de'it dehan kansela tiha ne'e mak hanesan ha'u dehan se mak ukun manda