Xefe Suku Leorema, Sandra de Araújo haktuir, vítima sira hetan ona apoiu husi governu no dadus kona-ba estragus mós aprezenta ona Autoridade Protesaun Sivíl.
“Akontesimentu ne’e perigu tebes ba maluk ne’e nia vida, maibe agradese tanba sira na’in rua salva, iha momentu ne’eba halo kedas ligasaun ho protesaun sivil, atu nune’e bele to’o direta iha fatin no lori mos apoiu emerjensia ruma ba sira na’in rua, ami kontaktu malu kedas, lori kedas vitima sira bá hospital hodi kura vitima sira, lori kedas sira sa’e mai atu sira hela ho seguru, tanba vitima ira ne’e família vulnerável," Jornalista sita Komunikadu, Kuarta (08/03).
Hafoin fahe sasan iha Leorema, Ekipa Prezidénsia Repúblika desloka ba Suku Tali Moro, Postu Administrativu Gleno, Munisípiu Ermera, hodi fahe kadeira roda ba portadór difisiénsia fízika na’in tolu, ne’ebé presiza tebes fasilidade ne’e no apoiu mós nesesidade bázika ba sira.
Alende, iha Suku Tali Moro, ekipa ne’e mós apoia família oan ki’ak ne’ebé inan aman mate ona no família ne’e hasoru difikuldade bo’ot iha família laran.
Família ne’e iha maun-alin na’in sia, na’in lima forma ona família, maibé na’in hat seluk, dependente ba sira ne’ebé forma ona uma-kain.
“Preokupasaun mak, tanba mesak, sai hanesan aman no inan ba alin sira, ekomomia familia, limitadu tebes, ba alin sira nia presiza ba eskola nian, neseidade lor-loron ninia, liu-liu nesidade kiik-oan, kadernu lapis, sira ne’e susar tebes. durante ne’e, maun-bin ne’ebe buka servisu mak tau-matan , maibé maun forma ona familia, tulun tuir nia kbi’it," komunikadu ne’e haktuir.
Entretantu, uma ne’ebé sira hela dezde tinan 2000, ne’e propriedade estadu nian no iha kondisaun mukit teb-tebes.
Benefisiáriu sira, husu atu Prezidénsia Repúblika kontinua tulun sidadaun ne’ebé presiza no Asessór Servisu Sosiedade Sivil ba Assuntu Sosiais tenik atu kontinua tulun sidadaun sira.
Nune'e mós ekipa Prezidénsia Repúblika, lidera husi Asessór Servisu Sosiedade Sivil ba Assuntu Sosiais, Quintiliano Moniz mobiliza nesesidade bázika no material dapur nian, hodi tulun sidadaun ne’ebé afetadu husi dezastre naturais.
