Liuhosi vizitasaun ne’e, nia dehan, hodi hametin domin no haforsa karidade atu bele atu halo di’ak ba ema seluk.

"Ha'u-nia esperansa katak ho Amu Papa Francisco nia prezensa iha fatin ida ne'e Irmãs Alma ho sarani hodi hametin unidade nasionál ho domin no haforsa kariedade atu halo di’ak ba ema sira," dehan nia ba jornalista sira iha rezidénsia Irmãs Alma Pantai-Kelapa, Tersa (10/09).

Aliende ne’e, fó Kristu nia sasin ba ema seluk, atu sai nu'udar Maromak nia oan ita tenke fó domin no kariedade ba malu ho perdaun ba maluk bainhira buat ruma naksalak.

Nia hatutan, sarani la bele lori buat kro’at hodi amaesa ba malu, tanbá Sua Santidade Francisco mai vizita Timor-Leste lori domin ne'ebé kle’an tebes.

Hosi rai-ikun to'o rai-ulun hodi kahe kabas ba malun kria dame estabilidade iha rai ida ne'e, nune'e bele halo dezenvolvimentu ba domin iha Kristu.

Iha Rezidénsia Uma Formasaun Postulante Novisiadas Irmãs Alma Pantai-Kelapa, ema ho difisiénsia hamutuk na’in 61.

Tanbá ne'e, Papa Francisco nia prezensa ho domin bo'ot ba ema ho defisiensia sira, no ema kbiik laek sira, nune'e tau sinál iha rentos hanesan karimbu rohan laek ida.

"Ohin, ita hotu mai marka prezensa iha fatin ida ne'e, ho sarani sira hamriik estrada hodi haksolok hamutuk simu Sua Santidade Francisco," nia hatutan.

Vizita Papa Franscisco nia vizita iha rezidénsia Irmãs Alma ne’e, lori bensaun no grasa ba ema ho difisiénsia no kbiit laek sira.

Mensajen ne'ebé, Sua Santidade Francisco hosik hela ba sira mak iha tempu Jesus mai ema hotu sei hatama nia ba kadunan santu.

“Tanbá ne'e ita ida-idak hosik ita a'an atu na'in maromak hodi kuidadu ita, na'in Maromak desenvolve ita nia prakeza sira” nia esplika.

Nune'e, Papa husu responsável Irmãs Alma kontinua tau matan ba ema ho difisiensia sira, kbiik laek no katuas-ferik sira, nune’e, Amu Papa Francisco fó bensaun no saúde di’ak.