Tuir observasaun Jornalista INDEPENDENTE iha terrenu, sarani sira husi Munisipíu 13 no Rejiaun Administrativa Espesial Oekusse Ambenu (RAEOA) no peregrinus sira husi nasaun viziñu Indonézia no Austrália, hahu nadodon tama iha Tasi Tolu

Peregrinu, Basilo Soares Marques husi Munisipíu Baukau hatete, nia iha antusiasmu hodi hola parte iha misa ne’ebé prezide husi Amu Papa Francisco.

"Ohin loron ne'e loron kmanek, ita-nia  Amu Papa Francisco mai Timor. Ami kontente, maske loron manas maibé ami prontu atu habai aan iha loron manas," dehan nia iha areadores Altar Tasi Tolu, Tersa (10/09).

Tuir orariu, misa ne’ebé prezide husi Amu Papa sei hahu iha tuku haat loraik.

"Esperansa boot ba povu no espetativa husi sarani mak atu simu grasa husi ita-nia Papa, Katólika nia boot husi Roma, ne'ebé esperansa boot mak atu simu bensaun," katak nia.