Sarani Ida, Alexandre de Araújo hatete, vizita Papa Francisco mai Timor-Leste iha signifikadu ne’ebé boot, liu-liu kona-ba fraternidade.

Fraternidade ne’e, tuir nia, laos de’it entre sarani Katolika maibe entre Timor-oan hotu-hotu ne’ebé ho relijiaun la hanesan.

“Vizita Papa Francisco mai Timor ne’e ninia signifika ne’ebé ko’alia fraternidade ne’e atu halo ema hotu-hotu hadomi malu, la’ós ema Katólika de’it, ema relijaun seluk mós ita tenke hadomi sira,” dehan Alexandre iha rotunda Nicolau Lobato Komoro, Tersa (10/09).

Bainhira Timor-oan hotu-hotu implementa Fraternidade ne’e, nia fiar katak Timor-Leste sei moris iha dame no hakmatek nia Laran.

Aleinde domin entre ema, Alexandre dehan, tenke hadomi mos meiuambiente, tanba mudansa klikatika ne’ebé akontese no afeita ba mundu ohin loron.

“Laos hadomi de’it ema maibé hadomi mós meiuambiente,” dehan nia.

 Sarani seluk, Zacarias Mukit hein katak ho prezensa Amu Papa iha Timor-Leste, Timor-oan sira bele iha amizade, pas, no prosperu.

“Espera katak unidade no pas bele metin liu tan iha ita-nia Rai,” dehan Zacarias.

esperansa seluk mak bele hetan unidade pás iha rai doben Timor Leste.