Deklarasaun ne'e hato’o husi Deputadu Bankada CNRT, Patrocino Fernandes iha ambitu selebra loron nasional Ai-kameli ne'ebe realiza iha Munisipiu Manatutu loron 13 Janeiru 2024.
Deputadu ne'e haktuir, presiza duni dezenvolve ai-kameli, tantu hosi parte governu no sidadaun hotu, tanba ai-kameli sai hanesan rekursu bo'ot ba rai ida-ne'e.
Nune'e, nia husu atu timor oan hotu atu kuda ai- kameli barak liu tán, tanba ba futuru ai-kameli iha nia valor ekonomku.
"Ai-kameli bele dehan rekursu ida mos Timor-Leste nian ne'ebe iha parte ekonomia, entaun atu komemora loron nasionall ai-kameli ita hein no husu katak timoroan hotu-hotu iha hanoin atu dezenvolve ai-kameli iha ita-nia rain, hodi bele dudu ka ajuda ita-nia ekonomia," dehan nia iha Parlamentu Nasional, (12/01).
Deputadu ne'e husu ba Governu atu investe maka'as hodi bele promove di'ak liu tan ai-kameli iha territoriu nasional.
"Agora, Governu nia responsabilidade mos atu haree oinsa investe makaas iha parte agrikultura liuliu iha floresta hodi bele promove di'ak liután ai-kameli", nia hato'o.
Nia dehan, persiza buka ai-kameli iha fati-fatin ne'e hanesan mo fonte ekonomia ida ba ita-nia rain. Tanba ema hotu hatene ai-kameli nia folin iha merkadu di'ak no bele sai hanesan fonte ba aban bainrua ba exportasaun karik ai-kameli, TL nia rekursu naturál mak ai-kameli karik iha pontensialidade ekonomia makaas atu bele kontribui iha rai-laran.
Molok ne'e, Sekretariu Estadu no Floresta (SEF) Fernandino Vieira da Costa hatete, bazea ba resolusaun Governu nu 11/2016 kona-ba loron nasional ai kameli no Floresta ne'ebé tuir planu sei realiza iha Munisipiu Manatutu.
Nia afirma, loron nasional ai kameli no floresta ba da-hitu ho diferente uitoan, tanba sei konvida bainaka Ministru Floresta Korea do Sul hamutuk ho Diretór Exekutivu AFOCO ho Ministru Ambiente no Floresta Indonesia.
Aliende, konvida mos PM ho membru governu sira no PN liu-liu komisaun D trata asunto agrikultura sei hola parte ba loron nasional ne'e.
"Esforsu durante ne'e ita nia korpu guarda floresta fo seguransa ho Protesaun rekursu naturais hanesan ai sandalu, ita hotu-hotu hatene ai kameli nia valor ekonomia tantu iha nasional no internasional a'as tebes", dehan nia.
Nia informa, durante ne'e iha presaun balun ne'e ameasa ilegal akontese iha rai laran, liu-liu ai sandalu sai hanesan indetidade iha Timor Leste hodi valoriza ai kameli rasik.
"Mekanismu oinsá atu fo protesaun ita hamutuk ho korpu guarda floresta hodi fo seguransa no halo patrolamentu ba area sira ne'ebé pontesial kuda ai kameli", nia sublina.
