“Tanba ita-nia orsamentu aprova ona ne'ebe iha tinan 2023 ne’e ita sei tau prioridade ba konstrusaun irrigasaun boot tolu, hanesan, (irrigasaun) Maliana II iha Bobonaro, irrigasaun Vatuva, iha Baukau no mota Irabere, iha Vikeke,” Dehan Ministru Marcos, iha Palasiu Governu, Sexta (12/01).
Ministru Marcos dehan, dadaun ne'e prosesu la’o hela no sei lori ba Konsellu Ministru (KM) atu hetan aprovasaun, depois ba iha prosesu Komisaun Nasional Aprovezionamentu ( CNA), tanba projetu refere ho osan montante millaun $1.
“Ita nafatin kontinua projetu irrigasaun 2 ne'ebe harii iha tinan 2023 no dadaun ne’e iha prosesu nia laran. Irrigasajn rua ne’e mak iha Laivai Lautem no Galata, iha Baukau ho millaun $18 no Ita espera rua ne’e bele hotu iha tinan 2025 hodi bele fornese bee ba komunidade sira-nia natar,” Nia informa.
Aliende ida-ne’e, iha mós irrigasaun ezisténsia kiik oan balun ne'ebe presija hadi’a mak hanesan, Larisula iha Baguia, Vatular bolu bebui iha Same, Karu-ulun iha Ainaro Raibere, Vaibaba iha Zumalai Kovalima, Bolutu, iha Vemase BauKau, sei buka hadi’a nafatin atu bele fasilita komunidade agrikiltura sira, bainhira udan mai bee iha mota-laran, bele fasilita atu tama sira-nia natár.
Molok ne’e, iha loron 15 dezembru 2023, Parlamentu Nasional aprova ona Proposta Orsamentu Jeral Estadu(OJE) tinan fiskál 2024 ba MAPPF ho montante $30.694.052.
