Tuir Komunikandu ne’ebé Online INDEPEDENTE sita katak, iha kuarta ne'e, Governu delibera ona atu autoriza despeza to’o montante dolar amerikanu millaun $12 husi Fundu Kontinjénsia ba Komisaun Altu Nível Institusionál ba vizita Sua Santidade Papa Francisco, hodi organiza atividade preparasaun ba vizita refere.
Governu mós analiza ona aprezentasaun husi Ministru Administrasaun Estatál (MAE), Tomás do Rosário Cabral, kona-ba pontu situasaun husi implementasaun kontratu públiku iha ámbitu projetu jestaun rezídu sólidu urbanu iha Dili.
Iha biban ne’e mós, Governu delibera projetu ne’ebé aprezenta husi Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano Assanami Sabino, hodi autoriza despeza ho valór dolar amerikanu millaun 15 kona-ba atribuisaun subvensaun anuál ida ba Konferénsia Episkopál Timorense (CET, sigla iha lian portugés), ne’ebé sei ezekuta durante tinan 2024.