"Partidu CNRT observa katak Prezidente Repúblika nia pedidu ne'e laiha konsistensia ho nia aktus hirak ne'ebé hala'o ona iha tinan 2017, iha VII governu konstitusionál ne'ebé forma husi partidu FRETILIN ho PD, maibé laliu husi kongresu ka konferensia nasionál ruma,"dehan Sekretariu meza konferensia nasionál, Aderito Hugo da Costa, liu husi konferensia imprensa iha sede CNRT, Bairro Grilhos, Sabado (ohin).
Tuir Aderito katak, Prezidente Repúblika ezije rekezitus legais artigu 9 partidu politika só mai deit partidu CNRT ho nia aliadu.
Maske nune'e, koligasaun ne'ebé lidera husi CNRT bazeia ba desizaun Prezidente Repúblika enkontru ho líder nasionál iha loron 10 Fevereiru 2020 hamosu pontu importante hatete katak fó fila ba partidu politikus ne'ebé iha asentu parlamentár atu buka malu hodi fó solusaun ba impase politika rai laran.
Ho nune'e partidu politikus neen (6) nomeadamente, partidu CNRT, KHUNTO, PD, UDT/FM, PUDD hato'o kedas vontade politika no konsentra politika hodi deklara iha 22 Fevereiru 2020, no formalmente transmite ona ba Prezidente Repúblika iha 27 Fevereiru 2020.
